Давлат раҳбари ташаббуси билан йўлга қўйилган “Маҳалла банкири” тизими аҳоли манфаатларини самарали қўллаб-қувватлаш ва маҳаллаларда иқтисодий фаолликни оширишнинг янги босчиқини бошлаб берди.
2024 йил 16 декабрь куни Президент ҳузурида ўтказилган йиғилишда банклар томонидан маҳаллаларда аҳоли бандлигини таъминлаш ва даромадли қилиш бўйича бир қатор топшириқлар берилди.
Шундан келиб чиқиб, мазкур халқчил тизимнинг фаол иштирокчиларидан бири сифатида Бизнесни ривожлантириш банки Бош офисида алоҳида таркибий тузилма, вилоят филиалларида маҳаллада тадбиркорликка кўмаклашиш бўлими ҳамда туман филиалларида шўбалар фаолияти йўлга қўйилди.
Хусусан, жорий йилда “Бизнесни ривожлантириш банки” томонидан 280 минг нафар аҳолини даромадли меҳнат билан таъминлаш, бунда 114 685 нафар аҳолини доимий иш билан банд қилиш ва 165 315 нафар аҳолини тадбиркорликка жалб қилиш бўйича фаол ишлар олиб борилмоқда.
Банкка бириктирилган 648 та маҳаллада иқтисодий фаолликни ошириш, жумладан аҳолини тадбиркорликка жалб этиш, янги имкониятларни яратиш борасида ишлар ташкил этиш мақсадида 227 та маҳалла банкири ва ҳар бир маҳалла учун 648 та маҳалла ёрдамчи-агентлари жалб қилинмоқда.
Айни пайтда маҳалла банкирлари ва ёрдамчи агентлар маҳалланинг бизнес имкониятларини ўрганиб, одамлар билан бевосита суҳбатлар ўтказиб уларнинг ғояларини лойиҳаларга айлантирмоқда.
Хусусан, маҳаллани бизнес имкониятларини ўрганиб, аҳолининг бизнес ғоялари асосида уларга тайёр лойиҳаларни тақдим этмоқда. Аҳолини кредит олиш, қайтариш, бизнесни йўлга қўйиш ва маҳсулотини сотиш каби масалаларда мулоқотлар ўтказиб уларнинг молиявий саводхонлигини оширишга кўмаклашмоқда. Шу билан бирга, тайёр бўлган лойиҳаларни ишга тушириш ва бизнесни йўлга қўйиш жараёнларида уларнинг энг ишончли ва яқин ҳамкорига айланмоқда.
Реклама ҳуқуқи асосида.
Изоҳ (0)