TBC Bank Ўзбекистонда тадбиркорлик ва инновацияларни ривожлантириш учун халқаро инвестицияларни жалб этишни давом эттирмоқда. 2024 йилда банк 105 миллион доллар миқдорида маблағ оқимини таъминлаб, бу маблағларни бизнесни қўллаб-қувватлаш, “яшил” лойиҳалар ва рақамли молиявий хизматларни ривожлантиришга йўналтирди.
TBC Bank жисмоний шахсларга хизмат кўрсатишда сезиларли ютуқларга эришди. 2024 йилда рўйхатдан ўтган фойдаланувчилар сони 1,3 миллионга кўпайиб, 18,4 миллионга етди. Бу ўсиш рақамли молиявий хизматларга талабнинг юқорилигини кўрсатади. Энди банк навбатдаги қадамни қўйишга шай, яъни кичик ва ўрта бизнесни молиялаштиришни кенгайтириб, тадбиркорлар учун қулай ечимлар яратмоқда.
Бунинг учун TBC Bank 2024 йилда етакчи халқаро молия ташкилотларидан жами 105 миллион АҚШ доллари миқдорида кредит линияларини жалб қилди. Жалб қилинган маблағларнинг бир қисми микробизнесни ривожлантиришга йўналтирилди. Апрель ойида банк Голландиянинг тадбиркорликни ривожлантириш банки (ФМО) билан 40 миллион долларлик шартнома имзолади. Бу маблағнинг 70 фоизи кичик корхоналарни кредитлашга, қолган 30 фоизи эса “яшил” лойиҳаларни молиялаштиришга сарфланади. Август ойида TBC Bank бизнес учун рақамли молиявий хизматларни ривожлантиришни қўллаб-қувватловчи Швейцариянинг BlueОрчард инвестиция фондидан 25 миллион доллар миқдорида маблағ жалб этди.
Аёл тадбиркорларни қўллаб-қувватлашга алоҳида эътибор берилди. Ноябрь ойида банк Глобал Гендер-Смарт Фундъдан 10 миллион доллар маблағ олди. Бу маблағ аёллар ташкил этган бизнесларни молиялаштиришга йўналтирилади. Бундан ташқари, банк ЕТТБдан яна 10 миллион доллар жалб қилди. Бу маблағнинг камида 40 фоизи аёллар тадбиркорлигини ривожлантиришга, 65 фоизи эса ёш тадбиркорлар томонидан ташкил этилган кичик корхоналарни қўллаб-қувватлашга сарфланади.
Экологик барқарор лойиҳалар банк учун муҳим йўналиш бўлиб қолмоқда. Февраль ойида TBC Bank Глобал иқлим ҳамкорлиги жамғармаси (ГCПФ) билан Ўзбекистонда “яшил” банк хизматларини ривожлантиришга кўмаклашадиган 10 миллион долларлик келишув имзолади. Октябрь ойида банк Швейцариянинг респонсАбилитй Investments АГ компаниясидан кредит дастурларини янада кенгайтириш мақсадида 10 миллион доллар миқдорида маблағ жалб қилди.
Якуний натижа сифатида, декабрь ойида компания Ўзбекистонда кичик ва ўрта бизнес учун биринчи тўлиқ рақамлаштрилган банк хизмати – TBC Businessъни ишга туширди. Бу оддий, тез ва қулай транзакция хизмати бўлиб, тадбиркорларга барча банк ва алоқадор операцияларни тўлиқ масофадан туриб бошқариш имконини беради.
TBC Bank Ўзбекистонга халқаро сармояларни жалб қилиш учун замин яратиб, иқтисодиётнинг ривожига ҳисса қўшмоқда ҳамда бизнес ва мижозлар учун янги имкониятлар яратиб бермоқда.
Реклама ҳуқуқи асосида.
Изоҳ (0)