Пойтахтдаги Ҳилтон меҳмонхонасида “Бизнесни ривожлантириш банки” АТБ томонидан банк ва мижозлар ўртасида алоқаларни мустаҳкамлаш, банк маҳсулотлари жозибадорлигини янада ошириш мақсадида бизнес тушлик ташкил этилди. Мазкур тадбирга мамлакатимиздаги йирик компаниялар, жумладан, банк мижозлари бўлган Uzbekistan GTL, ADM Jizzax, Arimex, Rimpex Polimer, Petrowool, Akfa Group, “Оқсарой текстиль” каби етакчи ишлаб чиқарувчилар ва инвесторлар таклиф этилди.
Мулоқот давомида иштирокчиларга банкнинг узоқ йиллик ривожланиш босқичлари, тадбиркорлар учун мавжуд кредит маҳсулотлари, халқаро молия институтлари билан ҳамкорликдаги лойиҳалар, транзаксион банкинг хизматлари ҳақида тақдимотлар ўтказилди.
Бизнес тушлик тадбиркорлар ва банк мутахассислари ўртасида ўзига хос очиқ мулоқот майдони бўлди. Унда “Бизнесни ривожлантириш банки«нинг кредит маҳсулотлари ва молиялаштириш дастурларидан фойдаланиш шартлари, йирик лойиҳалар учун инвестицияларни жалб қилиш механизмлари, экспортчи корхоналарни қўллаб-қувватлаш ва бизнесни ривожлантириш, “яшил иқтисодиёт” доирасидаги молиялаштириш имкониятлари, банк ва йирик тадбиркорлар ўртасидаги ўзаро ҳамкорликни мустаҳкамлаш мавзуларида фикр алмашилди.
-jnNdLjrL.jpg)
Таклиф этилаётган хизмат ва маҳсулотларнинг жозибадорлигини янада ошириш, янги маҳсулотларни ишлаб чиқишда мижозлар талабларига устуворлик берилиши қайд этилди.
Ишчанлик руҳида ўтган мулоқот давомида истиқболли лойиҳаларни биргаликда амалга оширишга доир ғоялар ва таклифлар билдирилди.
Тадбир якунида иштирокчилар банкнинг мижозлар билан ўзаро манфаатли ҳамкорликни ривожлантириш йўлида олиб бораётган сиёсати ҳамда таклиф этилаётган молиявий ечимларни ижобий баҳоладилар.
“Бизнесни ривожлантириш банки” АТБ келгусида ҳам тадбиркорликни ривожлантириш йўналишида мижозлар билан доимий мулоқотни ташкил этишга ва мижозларга янги имкониятлар яратишга интилади.
Реклама ҳуқуқи асосида.
Изоҳ (0)