Марказий банк 2025 йил 1 январь ҳолатига кўра мамлакатнинг тижорат банкларидаги муаммоли кредитлар (NPL) ҳажми 21 трлн 185 млрд сўмга етганини маълум қилди.
Ўзбекистонда тижорат банкларининг кредит портфели 2024 йили 533,1 трлн сўмни ташкил қилди.
Давлат банкларида ҳолат қандай?
Давлат банкларида муаммоли кредитлар ҳажми 14 трлн 344 млрд сўмни ташкил этмоқда. “Халқ банки” муаммоли кредитларини йил бошига нисбатан 601 млрд сўмга, портфелдаги улушини 7,6 фоиздан 4,2 фоизга камайтирган.
“Микрокредитбанк” ва “Бизнесни ривожлантириш банк”ларида ҳам NPL бир оз камайган.
“Агробанк” (+832 млрд сўм), “Ўзсаноатқурилишбанк” (+561 млрд сўм) ва “Ўзмиллийбанк” (+177 млрд сўм)ларда NPL миқдори бошқа давлат банкларига қараганда жадалроқ ўсган.
Бошқа банклардаги вазият
1 январь ҳолатига бошқа банкларда муаммоли кредитлар ҳажми 6 трлн 841 млрд сўмни ташкил этади.
2024 йил давомида NPLънинг кескин ошиши “Ипотека банк” (+1 трлн 844 млрд сўм) ҳамда “Kapitalbank” (+1 трлн 61 млрд сўм)да кузатилди.
“Ҳамкорбанк” (+219 млрд сўм), “Анорбанк” (+104 млрд), “Давр банк” (+102 млрд сўм), “Trastbank” (+95 млрд сўм) ва “TBC Bank” (+87 млрд сўм) ларда муаммоли кредитлар сезиларли ошган.
2024 йил 1 август ҳолатига кўра, мамлакатнинг тижорат банкларидаги муаммоли кредитлар (NPL) ҳажми 20,82 триллион сўмни (1,64 миллиард доллар) ташкил этгани хабар қилинганди.
Изоҳ (1)
Муаммоли кредит кандай Хал булади Фрибгарлар томонидан олиб кетилган кредитни жабрланувчи лар тулайдими