Европа Иттифоқи Украинадаги вазият муносабати билан Россияга нисбатан санкцияларни кучайтирмоқчи. Бу ҳақда Европа кенгаши раиси Херман Ван Ромпёй Брюсселда бўлиб ўтган ЕИ саммити якунида айтиб ўтди, деб ёзади Euronews.
«Европа Иттифоқи вазият қандай ривожланишига қараб, кейинги жиддий чораларни қабул қилишини айтди. У Еврокомиссиядан шошилинч равишда тайёргарлик ишларини ўтказиб, ҳафта давомида таклифни кўриб чиқиш учун тақдим этишини сўради», — деди Херман Ван Ромпёй.
Брюсселдаги саммитда қатнашган Украина президенти Пётр Порошенко вазиятнинг хавфли чегарага яқинлашиб қолганини таъкидлади. «Биз ‘борса келмас’ нуқтага жуда яқин келдик, деб ўйлайман. ‘Борса келмас’ нуқтаси айирмачилар назорати остидаги ва, айирмачилар ўрнига Россия мунтазам армияси бўлган тўлиқ кўламдаги уруш деганидир», — деди у.
Таъкидлаш жоиз, Словакия Россия қарши янги санкциялар киритилишига қарши чиқишини, чунки бундай чораларни самарасиз ва адолатсиз деб билишини айтган эди.
Изоҳ (0)