Тошкент шаҳрининг Янгиҳаёт тумани, “Навқирон” МФЙ ҳудудида 8 февраль куни соат 23:10 ларда ЙТҲ содир бўлди. Бу ҳақда Тошкент шаҳар ИИББ ЙҲХБ ахборот хизмати хабар берди.
Маълум қилинишича, Lacetti ҳайдовчиси маст ҳолатда рул бошқарувини йўқотиб, тўхтаб турган иккита Cobalt билан тўқнашув содир этган. Сўнг темир устунга бориб урилган.
Ҳолат юзасидан воқеа жойига тезкорлик билан етиб борган ЙПХ инспекторлари, гувоҳлар ва ҳайдовчи билан суҳбат жараёнида ҳайдовчи ўз сўзидан маст ҳолатда эканлиги маълум бўлган.
Ҳодиса оқибатида Lacetti ҳайдовчисига тез тиббий ёрдам ходимлари томонидан биринчи ёрдам кўрсатилган.
Шунингдек, Янгиҳаёт тумани, Янги Сергели кўчаси, Index бозор ҳудудида 8 февраль куни соат 15:30 ларда ЙТҲ содир бўлди.
Унда 2002 йилда туғилган Б.Х. бошқарувидаги Lacetti, 1984 йилда туғилган С.М. бошқарувидаги Lacetti, 1998 йилда туғилган Б.Қ. бошқарувидаги BYD, 2001 йилда туғилган А.Э. бошқарувидаги Spark ва 1998 йилда туғилган И.М. бошқарувидаги BYD ўзаро тўқнашган.
Lacetti ҳайдовчиси 2002 йилда туғилган Б.Х. маст ҳолатда рул бошқарувини йўқотиб, ЙТҲ содир этган.
Ҳодиса оқибатида Spark ҳайдовчиси 2001 йилда туғилган А.Э. ва йўловчиси 2000 йилда туғилган Ф.У.га шифокорлар томонидан биринчи тез тиббий ёрдам кўрсатилган.
Ҳар икки ҳолат юзасидан суриштирув ишлари олиб борилмоқда.
Тошкентда содир бўлаётган ЙТҲлар
5 декабрь куни Тошкент шаҳрининг Мирзо Улуғбек ва Юнусобод туманларида 1,5 соат ичида ЙТҲлар содир бўлгани ҳақида хабар берилганди. Шунингдек, 6 декабрь куни Юнусобод ва Яшнобод туманларида ЙТҲлар содир бўлганди.
3 ноябрь тунда пойтахтнинг учта туманида ЙТҲ содир бўлди. Сергелида Spark ва Matiz тўқнашди, Юнусободда Lacetti йўл четидаги бетон устунга бориб урилди, Мирзо Улуғбек туманида Lacetti ва BMW тўқнашди.
11 ноябрь куни Миробод туманидаги “Санъат музейи” қаршисида Lacetti Кинг Лонг автобуси орқасига бориб урилди. 16 ноябрда Яккасарой тумани Malibu йўл четидаги темир устунга урилди ва ҳайдовчиси ва йўловчиси жароҳат олди.
17 ноябрь куни Юнусобод туманида Toyota, Malibu-2 ва Cobalt автомашиналари иштирокида ЙТҲ содир бўлди. 24 ноябрь куни Мирзо Улуғбек туманида Spark ва Epica тўқнашиб, ёниб кетди. Ҳодиса оқибатида ҳалок бўлганлар йўқ.
Мирзо Улуғбек туманида 28 ноябрь куни соат 16:10 ларда 5 та автомашина иштирокида ЙТҲ содир бўлди.
Аввалроқ Ўзбекистонда автомобилни такроран маст ҳолда бошқарганлик учун жиноий жавобгарлик белгиланаётгани ҳақида хабар берилганди.
Изоҳ (0)