Қашқадарё вилояти Қарши шаҳрида 19 ёшли икки йигит ЙТҲ сабаб вафот этди. Бу ҳақда MY5 телеканалининг “Ҳудуд” информацион дастурида хабар берилди.
Қайд этилишича, ҳодиса 30 январь куни соат 17:00 лар атрофида шаҳарнинг Насаф кўчасида содир бўлган. Nexia-3 рулида 19 ёшли йигит бўлган. У икки нафар дўсти билан бирга автомобилни бошқариб келаётган вақтида дрифт қилишга уринган, бироқ тезликни тўғри баҳолай олмай бошқарувни йўқотиб, йўл четидаги дарахтга урилган.
Зарба кучли бўлганидан автомашина салонида бўлган икки нафар 19 ёшли йигит воқеа жойида вафот этган.
Ҳолат юзасидан тергов ҳаракатлари олиб борилмоқда.
Аввалроқ Фарғонада Damas'ни бошқарган вояга етмаган бола BYD билан тўқнашиб, вафот этгани ҳақида хабар берилган эди.
Ўзбекистонда 2024 йилда 9364 та йўл-транспорт ҳодисалари содир бўлган. Бунинг оқибатида 2203 киши вафот этган, 8901 нафари тан жароҳати олган.
Изоҳ (0)