Россиянинг Благовешенск шаҳрида минивен пиёдалар йўлагидан кетаётган одамларни юқори тезликда босиб кетди. Бу ҳақда “ТАСС” хабар берди.
Минивен ҳайдовчиси тирик ва воқеа жойида. Йўл транспорт ҳодисасига унинг маст ҳолатда бўлгани тахмин қилинмоқда. Авария оқибатида уч киши, жумладан икки нафар бола ҳалок бўлган.
“Ҳайдовчи воқеа жойидан қочмаган, у енгил тан жароҳати олган”, — дейилади хабарда.
Ҳуқуқ-тартибот идоралари Благовешенскда пиёдаларни уриб юборган ҳайдовчи ЙТҲ вақтида рухсат этилган тезликдан сезиларли даражада ошиб кетганини таъкидлади.
“Йўл-транспорт ҳодисаси вақтида ҳайдовчи рухсат этилган тезликни сезиларли даражада ошириб юборган, натижада бошқарувни йўқотиб, пиёдаларни уриб юборган”.
Ҳайдовчи мастлик белгилари билан қўлга олингани тасдиқланган. Жароҳатланган етти киши шифохонага олиб кетилган.
Изоҳ (0)