Таиландда сайёҳларни олиб кетаётган автобус 15 метр баландликдан қулаб тушди. BrightTV телеканали маълумотларига кўра, ҳодиса оқибатида жароҳатланганлар бор.
Автобус баландликдан қулаш чоғида тоғ орасига тиқилиб қолган.
“Йўл-транспорт ҳодисаси Пхукетдаги Карон-Патонг довонида содир бўлган. Бир гуруҳ сайёҳларни олиб кетаётган автобус ҳайдовчиси бошқарувни йўқотиб қўйган ва меҳмонхона яқинидаги жарликка қулаб тушган.
Ҳодиса оқибатида 9 киши жабрланган. Дастлабки маълумотларга кўра, улар орасида Россия ва Хитой фуқаролари ҳам бор.
Ҳозирда воқеа жойида қутқарув хизматлари ишлаётгани хабар қилинган.
2024 йилнинг 21 декабрь куни Бразилиянинг жануби-шарқида автобус енгил автомобиль ва юк машинаси билан тўқнашиб кетиши оқибатида 38 киши ҳалок бўлганди.
Маълумотларга кўра, авария автобус ғилдираги ёрилиши ортидан содир бўлган. Ҳайдовчи бошқарувни йўқотиб, юк машинасига бориб урилган.
Сентябрь ойида эса Россияда ичида гандбол мухлислари бўлган автобус ЙТҲдан сўнг ёниб кетган, оқибатда 49 кишидан 17 нафари жароҳат олган, юк машинаси ҳайдовчиси эса вафот этганди.
Изоҳ (0)