“Тошшаҳартрансхизмат” Яшнобод туманида автобус ва Nexia автомобили ўртасида юз берган йўл-транспорт ҳодисаси тўғрисида маълумот берди.
Қайд этилишича, 10 ноябрь куни соат 08:00 да пойтахтнинг Яшнобод тумани Махтумқули кўчасида MAN автобуси ва Nexia-1 автомобили иштирокида ЙТҲ рўй берган.
Махтумқули кўчаси Ашхобод боғи чорраҳасида 21-сонли автобус йўл қатнов қисмининг чап бўлагида тўхтаб турган енгил автомобилнинг орқа қисмига бориб урилган. Мазкур ҳолатда Nexia ҳеч қандай авария ҳолатини англатувчи белгиларини қўймасдан ва авария чироқларини ёқмасдан турган.
Ҳодиса оқибатида Nexia ҳайдовчиси енгил жароҳат олган. Иккала транспорт воситасига ҳам техник шикаст етган.
“Ҳозирда ушбу йўл-транспорт ҳодисаси Тошкент шаҳар ИИББ ЙҲХБ ходимлари томонидан ўрнатилган тартибда расмийлаштирилган”, — дейилади хабарда.
Аввалроқ Тошкент вилояти Олмалиқ шаҳрида автобус билан тўқнашган Cobalt ёниб кетгани тўғрисида хабар берилганди.
Изоҳ (0)