Саудиянинг “Ал-Ҳилол” клуби бразилиялик ҳужумчи Неймар билан хайрлашгач, янги юлдуз футболчини жамоага қўшиб олишни режалаштирмоқда. Бу ҳақда журналист Бен Жейкобс ўзининг ижтимоий тармоқларида хабар берди.
Маълумотларга кўра, “Ал-Ҳилол” “Ливерпуль” ҳужумчиси Муҳаммад Салоҳни трансфер қилишни мақсад қилган. Салоҳнинг инглиз клуби билан шартномаси мавсум охирида якунланади. Агар мисрлик футболчи Саудия клубига ўца, у дунёнинг энг кўп маош оладиган футболчисига айланиши мумкинлиги қайд этилган.
Жорий мавсумда Салоҳ барча мусобақаларда 32 та ўйинда майдонга тушиб, 23 та гол урди ва 17 та голли узатма амалга оширди. Футболчининг амалдаги шартномаси 2025 йилнинг ёзига қадар мўлжалланган. Transfermarkt интернет-портали маълумотларига кўра, 32 ёшли футболчининг бозор қиймати 55 миллион еврога тенг.
Аввалроқ Салоҳ Саудия Арабистони чемпионати клубига эркин агент сифатида ўтиш бўйича келишувга эришгани ҳақида хабар берилганди.
Изоҳ (0)