Бирлашган араб амирликларининг Дубай шаҳрида Globe Soccer Awards тақдимот маросими бўлиб ўтди.
Ушбу маросимда йилнинг энг яхши футболчиси сифатида «Ювентус» ҳужумчиси Криштиану Роналду эътироф этилди. Португалиялик футболчи бу борада Лионель Месси («Барселона»), Муҳаммад Салоҳ ва Виржил ван Дейк (иккиси «Ливерпуль») каби футболчиларни орта қолдирди.
«2019 йилнинг энг яхши мураббийи» соврини «Ливерпуль» устози Юрген Клоппга насиб этди. Германиялик мутахассисга Фернанду Сантуш (Португалия терма жамоаси) ва Эрик тен Хаг («Аякс») рақобатчи бўлганди.
«Йил кашфиёти» сифатида «Атлетико» ҳужумчиси Жоау Феликс топилди. Португалиялик футболчи Анссумане Фати («Барселона»), Эрлинг Ҳоланд («Зальцбург» / «Боруссия Д») ва Жейдон Санчодан («Боруссия Д) устун келган.
Йилнинг энг яхши аёл футболчиси номига Англия терма жамоаси вакили Люси Бронз лойиқ кўрилган бўлса, йилнинг энг яхши ёш араб ўйинчиси совринига «Боруссия Д»да ҳаракат қилаётган Ашраф Ҳакими эга чиқди.
Шунингдек яна бир қатор номинацияларда ғолиблар аниқланди:
Йилнинг энг яхши дарвозабони — Алиссон Беккер
Йилнинг энг яхши ҳаками — Стефани Фраппар (Франция)
Йилнинг энг яхши клуби — «Ливерпуль»
Йилнинг энг яхши араб клуби — «Ал-Ҳилол» (Саудия Арабистони)
Йилнинг энг яхши футбол академияси — «Аякс» ва «Бенфика»
Йилнинг энг яхши футбол агенти — Жорже Мендеш
Йилнинг энг яхши араб футболчиси — Абдурразоқ Ҳамдуллоҳ (Марокаш)
Футболдаги муваффақияти фаолият учун — Райан Гигз
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)