Аввалроқ “Ал-Ҳилол” ҳужумчиси Неймар Саудия клубини тарк этиши мумкинлиги ҳақида хабарлар тарқалганди. Футболчининг агенти бу ҳақда ўз фикрларини билдириб ўтди.
Пини Захавининг айтишича, Неймарнинг “Ал-Ҳилол”дан кетиши ҳақида ҳеч қандай музокаралар олиб борилмаган.
“Унинг саудияликлар билан шартномаси бор ва у бу ерда бахтли. Неймарнинг келажаги борасида мен ва унинг отаси аниқ маълумотга эга инсонлармиз. Унинг ‘Сантос’га ўтиши ҳақида гап-сўзлар қаердан чиққанини билмайман. Неймар ‘Ал-Ҳилол’да қолади”, деган агент.
32 ёшли ўйинчи жорий мавсум 2 та ўйинда қатнашди ва голли вазиятларда иштирок этмади.
Эслатиб ўтамиз, Неймар 2023 йилнинг августида “Ал-Ҳилол” билан шартнома имзолаганди. Футболчининг клуб билан амалдаги шартномаси 2025 йил ёзигача амал қилади.
Неймар “Сантос” клуби тарбияланувчиси ҳисобланади ва 2009 йилдан 2013 йилга қадар ушбу клуб шарафини ҳимоя қилган.
Transfermarkt порталига кўра ҳужумчининг ҳозирги қиймати 30 миллион еврони ташкил этади.
Изоҳ (0)