Саудия Арабистонининг “Ал-Ҳилол” клуби футболчиси Неймар профессионал фаолиятидаги энг яхши босқич ҳақида гапирди.
“Менинг энг яхши спорт йилларим “ПСЖ” клубида бўлган. Ачинарлиси мен тез-тез жароҳатланардим ва тикланишга 3-4 ой кетарди. Бу мени жуда безовта қилди. Аммо футбол нуқтаи назаридан, “ПСЖ”даги Неймар бутун фаолиятимдаги энг яхши Неймар эди. Мен ўз футболимни французларга таклиф қила олганимдан хурсандман”, дея Неймар сўзларини келтиради RMC Sport.
Неймар 2023 йилнинг августида “Ал-Ҳилол” футболчисига айланди. Унинг Саудия клуби билан шартномаси 2025 йилнинг июнигача мўлжалланган. Transfermarkt портали хабарига кўра, ҳужумчининг трансфер қиймати 30 миллион еврога баҳоланмоқда. Бундан аввал футболчи “ПСЖ”, “Барселона” ва Бразилиянинг “Сантос” клубларида ўйнаган.
“Sport.de”нинг испан ОАВларига таяниб бразилиялик футболчи Саудия Арабистонидаги фаолиятидан сўнг “Реал”га ўтишни орзу қилаётгани ҳақида хабар берганди.
Аввалроқ ҳужумчи Дубайдаги Бингҳатти Residenceс мажмуасидан 50 миллион еврога пентхаус сотиб олганди.
Изоҳ (0)