Германия бўйлаб саёҳат: Евро—2024 мусобақаси учун тайёрланган майдонлар (фото)

Европа қитъасининг асосий турнири роппа-роса бир ойдан кейин Мюнхенда бошланади. Айнан шу мусобақа ёздаги спорт тадбирларини очиб беради.

Германия мезбонлигидаги ушбу турнир 10 та шаҳардаги стадионларда ўтказилади. 

Берлин

Ушбу майдон Бундеслиганинг иккинчи дивизионида иштирок этувчи “Герта” футбол клубининг уй аренаси. Бу ерда енгил атлетика мусобақалари ҳам ўтказилиши режалаштирилган.

Стадион номи: Олимпиаштадион Берлин (Olympiastadion)
Сиғими: 70 000 киши

Ўтказиладиган ўйинлар:

15 июнь: Испания — Хорватия 
21 июнь: Польша — Австрия 
25 июнь: Нидерландия — Австрия 
29 июнь: 1/8 финал: 2А — 2B 
06 июль: 1/4 финал 
14 июль: Финал

Кёльн

Кёльн Рейн дарёсида жойлашган ва Германиянинг энг кўп ташриф буюрадиган диққатга сазовор шаҳарларидан бири.

Стадион номи: Кёльн стадиони (Rhein Energie Stadion)
Сиғими: 47 000 киши

Бу стадион Бундеслиганинг шу номдаги жамоасининг уй аренаси ҳисобланади. Стадион 2006 йилда Германияда бўлиб ўтган футбол бўйича Жаҳон чемпионати учун қурилган.

Футболдан ташқари, майдон ҳар йили бошқа кўплаб тадбирларга мезбонлик қилади, жумладан, американча соккер ўйинлари, хоккей ўйинлари ва концертлар шу стадионда ўтказилади.

Ўтказиладиган ўйинлар:

15 июнь: Венгрия — Швейцария 
19 июнь: Шотландия — Швейцария 
22 июнь: Бельгия — Руминия 
25 июнь: Англия — Словения 
30 июнь: нимчорак финал баҳси: 1B ва 3А/D/E/F 

Дортмунд

Рур вилоятининг маданий юраги — Дортмунд биринчи навбатда кўмир, пўлат билан машҳур бўлган, аммо ҳозирда йирик технология марказига айланган.

Стадион номи: BVB Дортмунд cтадиони (Сигнал Идуна Парк)
Сиғими: 66 000

Германия футболи етакчиларидан бири Дортмунднинг “Боруссия”сига тегишли бу стадион бутун дунёга “Сариқ девор” (Дie Gelbe Wand) номи билан машҳур.

Бу йил стадион ўзининг 50 йиллигини нишонламоқда. У 1974 йилда Ғарбий Германияда бўлиб ўтган футбол бўйича жаҳон чемпионати учун қурилган бўлиб, 2001 йилда УЕФА кубоги финалига мезбонлик қилган.

Шунингдек, бу майдонда Италия 2006 йилги Жаҳон чемпионати мезбони Германияни қўшимча вақтда мағлуб этган. 

Ўтказиладиган ўйинлар:
15 июнь: Италия — Альбания
18 июнь: Туркия — Грузия
22 июнь: Туркия — Португалия 
25 июнь: Франция - Польша 
29 июнь: 1/16 финал, 1А ва 2C 
10 июль: Ярим финал 

Дюссельдорф

Дюссельдорфнинг Эски шаҳар қисмида ресторанлари жуда ҳам кўп.

Стадион номи: Дюссельдорф Арена (Merkur Spiel-Arena)
Сиғими: 47 000

Ушбу стадион 2-дивизион жамоаси ўйинларига мезбонлик қилади. Бундеслиганинг “Fortuna Dyusseldorf” клуби Рейн дарёси бўйида жойлашган стадионда ўйнайди.

2004 йил сентябрь ойида очилган бу стадион биринчи марта эркаклар ўртасидаги йирик халқаро турнирни ўтказиш учун фойдаланилади.

Ёпилиб қайта очиладиган том қисми ва ички иситиш тизими уни футболдан ташқари турли тадбирлар, биринчи навбатда, концертлар учун жозибали майдонга айлантиради.

Бу ерда Rolling Stones, Бон Жови, Мадонна, Бейонсе ва Оnе Direction каби санъаткорлар чиқиш қилган. 

Ўтказиладиган ўйинлар:
17 июнь: Австрия — Франция 
21 июнь: Словакия —Украина 
24 июнь: Альбания — Испания 
1 июль: 1/16 финал, 2D ва 2E 
6 июль: Чорак финал 

Франкфурт 

Франкфурт Германиянинг бешинчи йирик шаҳри. Майн дарёси бўйида жойлашган шаҳар жаҳон молия марказига айланган.

Стадион номи: Франкфурт Арена (Deutsche Bank Park)
Сиғими: 46 000 киши

Мамлакатнинг молиявий пойтахтида жойлашган стадион деярли бир асрдан бери мавжуд. Майдон 1974 йилги футбол бўйича жаҳон чемпионати олдидан таъмирланган.

Бундеслиганинг “Айнтрахт Франкфурт” клубининг уйи стадиони ҳисобланган арена Германияда ўтказилган олдинги учта йирик эркаклар бўйича халқаро турнирларга ва 2011 йилда АҚШ ва Япония жамоаларининг аёллар ўртасидаги Жаҳон чемпионати финалига мезбонлик қилган.

Ўтказиладиган ўйинлар: 
17 июнь: Бельгия — Словакия 
20 июнь: Дания — Англия 
23 июнь: Швейцария — Германия 
26 июнь: Словакия — Руминия 
1 июль: нимчорак финал баҳси, 1F ва 3А/B/C 

Гелзенкирхен

Бир вақтлар кўмир ва пўлат қазиб олиш билан машҳур бўлган Гелзенкирхен бугунги кунда яшил майдонлар, театрлар ва қайиқ саёҳатларини таклиф этади.

Стадион номи: AufSchalke Арена (Veltins-Arena)
Сиғими: 50 000

2001 йил август ойида очилган бу стадион “Шальке-04” футбол клуби ўзининг эски “Parksтадион” стадионидан 10 дақиқалик пиёда юриш мумкин бўлган бошқа ҳудудга кўчишга қарор қилганидан сўнг қурилган. Стадион 2006 йилги Жаҳон чемпионатида бешта ўйинга, шунингдек, 2004 йилда “Монако” ва “Порту” ўртасидаги УЕФА Чемпионлар Лигаси финалига мезбонлик қилган.

Стадион нафақат очилиб-ёпиладиган томга, балки ҳудди шундай имкониятли майдонга ҳам эга бўлганлиги сабабли турли спорт ва носпорт тадбирларини ўтказиш учун кўп мақсадли арена вазифасини ўташи мумкин.

Июль ойида Тейлор Свифтнинг концерти ёки декабрь ойида бўлиб ўтадиган халқаро биатлон мусобақаси бўладими— бу стадион ҳаммасини бажара олади.

Ўтказиладиган ўйинлар:
16 июнь: Сербия — Англия 
20 июнь: Испания — Италия 
26 июнь: Грузия — Португалия
30 июнь: нимчорак финал баҳси, 1C ва 3D/E/F

Гамбург

Ўзининг тунги ҳаёти туфайли Гамбург кўплаб сайёҳлар рўйхатида туради. Гамбург мамлакатнинг пойтахти бўлмаган Европанинг учинчи йирик шаҳри ҳисобланади.

Стадион номи: Волкспаркстадион Гамбург
Сиғими: 50 000 киши

Ушбу стадионда собиқ Европа чемпиони “Гамбургер” ўйнайди.

Йиллар давомида стадион учта халқаро турнир, шунингдек, 2010 йилги УЕФА Европа Лигаси финалига мезбонлик қилган.

Стадионнинг шимоли-ғарбий бурчагида 2001 йилда “Гамбургер” жамоаси томонидан 1963 йилда Бундеслига ташкил этилганидан бери ҳеч қачон юқори дивизиондан тушиб кетмаганини эслатиш учун катта соат ўрнатилган эди.

Бироқ соат 2018 йилда клуб Бундеслиганинг иккинчи дивизионига тушиб кетганидан кейин олиб ташланди.

Ўтказиладиган ўйинлар: 
16 июнь: Польша — Нидерландия 
19 июнь: Хорватия — Альбания 
22 июнь: Грузия — Чехия 
26 июнь: Чехия — Туркия
5 июль: Чорак финал баҳси

Лейпциг

2010 йиллардан буён шаҳар ҳаёт сифати юқори бўлган марказ сифатида шуҳрат қозонди. Бу шаҳарни маҳаллий аҳоли “янги Берлин” деб атайди. Ушбу шаҳарда машҳур композитор Иоганн Себастьян Бах туғилган.

Стадион номи: Лейпциг стадиони (Red Bull Аrenа)
Сиғими: 42 000 киши

Стадион биринчи марта 2004 йилда очилган. Бундеслига жамоаси “РБ Лейпциг” 2010 йилдан бери уй учрашувларини ўтказади.

Стадион 2006 йилги футбол бўйича Жаҳон чемпионатида бешта ўйинга мезбонлик қилган, жумладан, Франция ва Жанубий Корея ўртасидаги гуруҳ босқичидан ўрин олган учрашувда дурангдан ғазабланган Зинедин Зидан танаффус вақтида ҳафсаласи пир бўлган ҳолда кийиниш хонасининг эшикларидан бирини тепиб юборган.

Шундан кейин “РБ Лейпциг” барча ташриф буюрувчилар кўриши учун ўша жойга олтин рамка осиб қўйган.

Ўтказиладиган ўйинлар: 
18 июнь: Португалия — Чехия 
21 июнь: Нидерландия — Франция 
24 июнь: Хорватия — Италия 
2 июль: 1/16 финал, 1D ва 2F 

Мюнхен

Германиянинг Берлин ва Гамбургдан кейин учинчи йирик шаҳри, бой тарих, санъат галереялари, боғларга эга кўҳна шаҳар.

Стадион номи: Myunxen Football Arena (Allianz Arena)
Сиғими: 67 000 киши

2005 йилда қурилган стадион дастлаб 2017 йилгача “Бавария” ҳамда “1860 Мюнхен” клубининг ҳам уй майдони бўлган, кейинчалик “Бавария” ягона ижарачига айланган.

Ушбу стадион рангини бутунлай ўзгартира оладиган биринчи стадион ҳисобланади. Стадионнинг ташқи кўриниши Мюнхенда кеч тушганда ёниб турадиган LED чироқлар билан тўлдирилган.

Бу ерда 2012 йилги Чемпионлар Лигаси финали бўлиб ўтган. Унда “Челси” пенальтилар сериясида “Бавария” устидан ғалаба қозонган.

Стадион, шунингдек, Евро—2024 доирасидаги тўртта ўйинга мезбонлик қилди ва кетма-кет Европа чемпионати турнирларини ўтказиш учун фойдаланилган биринчи стадионга айланди.

Ўтказиладиган ўйинлар:
14 июнь: Германия — Шотландия
17 июнь: Руминия — Украина
20 июнь: Словения — Сербия
25 июнь: Дания — Сербия 
2 июль: Нимчорак финал ўйини, 1E ва 3А/B/C/D 
9 июль: Ярим финал 

Штутгарт

Штутгартда дунёдаги энг машҳур икки автомобиль ишлаб чиқарувчи Mercedes ва Porsche компаниялари жойлашган. Шунингдек, меҳмонлар шаҳарда энг яхши ошпазлар томонидан тайёрланган таомлардан баҳраманд бўлиши мумкин.

Стадион номи: Штутгарт Арена (МHPАrena)
Сиғими: 54 000

Германиянинг Штутгарт шаҳридаги стадион, “Штутгарт” футбол клубининг уй учрашувлари учун асосий арена ҳисобланади. У 1933 йилда меъмор Пол Бонац лойиҳаси бўйича қурилган.

Ўтказиладиган ўйинлар:
16 июнь: C гуруҳи. Словения — Дания (19:00)
19 июнь: “А” гуруҳи. Германия — Венгрия (19:00)
23 июнь: А гуруҳи Шотландия — Венгрия (22:00)
26 июнь: E гуруҳи. Украина — Бельгия (19:00)
5 июль: Чорак финал (19:00)

Эслатиб ўтамиз, Евро—2024 мусобақаси Германияда 14 июндан 14 июлгача бўлиб ўтади. Жамоалар қайдномаларни 7 июнгача топширишлари керак.