“Реал” Килиан Мбаппенинг тақдимот маросимига тайёргарликларни давом эттирмоқда.
Relevo нашрининг хабарига кўра, франциялик футболчининг тақтимоди Криштиану Роналдунинг 2009 йилги тақдимотидан замонавий даврга мослаштирилган айрим деталлари асосида ўтказилади.
Маросимга турли машҳур шахслар таклиф этилган, жумладан, “Реал”нинг собиқ футболчиси ва мураббийи Зинедин Зидан ҳам. Аввалроқ, Мбаппенинг тақдимот маросимида машҳур сирли инсон таклиф этилгани айтилганди.
Шунингдек, мадридликларнинг яна бир қанча собиқ футболчилари таклиф этилган, бироқ кўпчилик Мадридга ташриф буюра олмайди. Клубнинг фахрий президенти Пирри ҳам иштирок этади. “Реал” президенти Флорентино Перес тақдимотда болалар кўпроқ бўлишини таъкидлаган.
Килианнинг ўзи Inspired by KM хайрия жамғармаси орқали бир гуруҳ болалар учун чипталар пулини тўлаб берган.
Килиан Мбаппенинг “Реал” футболчиси сифатидаги тақдимоти 16 июль куни бўлиб ўтади. Клуб бу маросим тарихда қолишини истамоқда.
Изоҳ (0)