Fransiya terma jamoasi bosh murabbiyi Didye Desham 2026-yilda bo‘lib o‘tadigan Jahon chempionatidan so‘ng jamoani tark etadi.
Le Parisien xabariga ko‘ra, Deshamning o‘rniga asosiy nomzod sobiq Madridning “Real” murabbiyi Zinedin Zidan hisoblanadi.
Zinedin Zidan klub darajasida faqat “Real”da ishlagan. U jamoani 2016—2018 va 2019—2021-yillarda boshqargan. Fransuz murabbiyi “qirollik klubi” bilan ikki karra Ispaniya chempioni, ikki karra Ispaniya Superkubogi sohibi va uch karra Chempionlar Ligasi g‘olibi bo‘lgan.
Avvalroq AS nashri Zidan Fransiya terma jamoasi bilan ishlashni ko‘zlayotgani haqida xabar bergandi. U 2022-yil Qatardagi Jahon chempionatidan so‘ng Fransiya terma jamoasini boshqarishni rejalashtirgan edi, biroq murabbiy Didye Desham o‘z lavozimida qolgan. Xabarda aytilishicha, hozirda Zidan Madridda yashamoqda va faqat Fransiya terma jamoasidan taklif kutmoqda.
Izoh (0)