Ўзбекистон
Футбол бўйича U-23 Осиё Кубоги—2022 мусобақасининг саралаш босқичига қуръа ташланди. Саралаш босқичида жамоалар 11 та гуруҳга бўлинган ҳолда баҳс олиб боради. Ўзбекистон U-23 терма жамоаси D гуруҳида Саудия Арабистони, Бангладеш ва Кувайтга қарши баҳс олиб боради. Мазкур мусобақанинг финал босқичи Ўзбекистонда бўлиб ўтади. Шу сабаб Ўзбекистоннинг саралаш босқичидаги ўйинлари фақат ўртоқлик мақомига эга бўлади.
Ўзбекистонлик боксчи чемпионга қарши жанг қилади
Жаҳон
Америка Кубоги—2021 мусобақасининг бронза медали учун баҳс бўлиб ўтди. Унда Колумбия ва Перу жамоалари ўзаро баҳс юритди. Колумбияликлар асосий вақтга қўшиб берилган дақиқаларда гол урган ҳолда ўз тарихида бешинчи марта учинчи ўринни қўлга киритди. Ўзбекистон вақти билан 11 июль тонгида Бразилия ва Аргентина ўртасидаги финал учрашуви бўлиб ўтади.
Америка Кубоги—2021
3-ўрин учун баҳс
Колумбия – Перу 3:2
Голлар: 0:1 – 45 Йотунь, 1:1 – 49 Куадрадо, 2:1 – 66 Диас, 2:2 – 82 Лападула, 3:2 – 90+4 Диас.Колумбия – Варгас, Медина, Мина (Санчес, 55), Мурило, Тесилё, Куадрадо, Барриос (Муриэль, 90), Куэльяр (Борре, 83), Диас, Кардона (Чара, 46), Сапата (Борха, 55).
Перу – Галесе, Корсо (Лора, 78), Сантамария, Каленс, Лопес, Тапия (Картахена, 24), Йотунь, Каррильо, Пеня (Орменё, 78), Куэва (Гарсия, 69), Лападула.
Огоҳлантиришлар: Кардона (45), Куэва (50), Барриос (62), Каррильо (63), Мурильо (87).
Барча мусобақаларнинг онлайн жадваллари, ўйинлар тақвими, тўпурарлар рўйхати энди битта жойда — кўриш.
«Челси» ҳужумчиси Оливье Жиру «Милан»га ўтишга яқин. томонлар келишувга эришган, дея хабар қилмоқда Le Parisien. Миланликлар 34 ёшли футболчи учун 1 миллион евро тўлайди, шунингдек, яна 1 миллион миқдорида бонус ҳам назарда тутилган. Жирунинг ўзи «Милан» билан икки йиллик шартнома имзолайди ва йилига 4 миллион евро маош олади.
Серхио Рамос «ПСЖ»га ўтишидан аввал «Арсенал»нинг фойдалироқ таклифини рад этгани маълум бўлди. Лондонликлар 35 ёшли ҳимоячига йиллик 17 миллион евро маош таклиф қилган. Бироқ Рамос Чемпионлар Лигасида қатнашишни маъқул кўрган ва Париж вариантини танлаган. Унинг «ПСЖ»даги маоши бонуслар билан 15 миллион еврони ташкил этади.
Зинедин Зидан яқин орада бирор клубни бошқариш ниятида эмас. 49 ёшли мутахассис Франция терма жамоасини бошқармоқчи ва Дидье Дешамнинг кетишини кутишга тайёр. Дешам қўл остидаги Франция Евро—2020 да 1/8 финалдаёқ ўз юришини тўхтатди, бироқ кейинчалик мутахассис ЖЧ—2022 якунига қадар терма жамоада қолиши маълум қилинди.
Бокс бўйича WBC тоифасида Жаҳон чемпиони Тайсон Фьюри ва собиқ чемпион Деонтей Уайлдер ўртасидаги 25 июлда бўлиб ўтиши режалаштирилган жанг бекор қилинди. Фьюрининг коронавирусга топширган тести ижобий хулоса берган. Айрим хабарларга кўра, мазкур жанг 2021 йилнинг 9 октябрида бўлиб ўтади.
Аввалроқ 2021 йилда Фьюри тўртта йўналиш чемпиони Энтони Жошуага қарши жанг қилиши айтилганди. Бироқ Уайлдер судга мурожаат қилган ва Фьюрига қарши учинчи жанг амалга ошишига эришганди.
Изоҳ (0)