Франция футбол федерацияси раҳбари Ноэл Ле Гре терма жамоа бошқарувига Зинедин Зиданни тайинлаш ҳақида миш-мишлар ёлғон эканини маълум қилди.
«Айрим мураббийлар триумфдан кейин кетганини кўрганмиз. Биз 10 йилдан бери бирга ишлаяпмиз, Дешам кетишини айтиши мумкин эди. Бу рўй бермади. У Генгамга пайшанба куни келди, ўша куни кечки пайт ҳаммасини келишиб олдик.
Олдинга юриш вақти келди? Нимани назарда тутаётганингизни билмайман, Зидан доим яқин атрофда бўлганини биламан, қандайдир ҳикоялар тўқиш шарт эмас. Унинг тарафдорлари кўп эди ва айримлар Дешамнинг кетишини кутди. Бироқ ким Дидьега жиддий айб қўя олади? Биз ёмон ўйин ўтказишимиз мумкин, бироқ у билан 10 йилдан бери ишлайман ва хатолар у қадар кўп бўлмади. Бу ажойиб.
Зидан Бразилия терма жамоасида? Билмадим, мен ҳайрон қолган бўлардим. У билган ишини қилади, менинг ишим йўқ. Ҳеч қачон у билан учрашмаганман, биз ҳеч қачон Дешам билан хайрлашиш ҳақида ўйламаганмиз. Буларнинг ҳаммаси нотўғри. Айрим журналистларга бирор ҳикоя ўйлаб топиш муҳим, чунки улар нима ёзишни билмайди. Очиғини айтсам, мен ҳеч қачон олдиндан ҳукм чиқариб қўядиганлар томонида эмасман. Зидан қаерга боришни хоҳласа бориши мумкин, истаган клуб ёки терма жамоага.
Зидан мен билан алоқага чиқишга уриндими? Мутлақо йўқ, у қўнғироқ қилган тақдирда ҳам телефон гўшагини кўтармаган бўлардим. Унга бошқа клуб қидиришни айтиш? Балки у клуб ёки терма жамоа топиши учун махсус танлов ўтказиб берармиз?», — дейди ФФФ раҳбари.
Аввалроқ Дидье Дешам Франция терма жамоаси билан амалдаги шартномасини 2026 йилга қадар узайтиргани маълум қилинганди.
Мавзуга доир: Зинедин Зидан учта терма жамоа таклифини рад этди
Изоҳ (0)