Футбол бўйича Англия Кубогининг ярим финал баҳси бўлиб ўтди. Унда “Манчестер Юнайтед” ва “Ковентри” жамоалари 21 апрель, якшанба куни ўзаро баҳс олиб борди.
Учрашувнинг 23-дақиқасида манкунианликлар футболчиси Скот Мактомини ҳисобни очди. Биринчи бўлим сўнгида Ҳарри Магуайр ҳисобни ишончли кўринишга олиб келди.
Иккинчи бўлимда ҳам “қизил иблислар” устунлик қилди ва 58-дақиқада учинчи бор рақиб дарвозасини ишғол қилди. Бу сафар Бруну Фернандеш гол муаллифига айланди. 71-дақиқада Симмс ҳисобни қисқартирди. 79-дақиқада ЎҲаре “Ковентри”нинг иккинчи голига муаллифлик қилди. 90+5-дақиқада эса Райт пенальтини аниқ амалга ошириб, ҳисобни тенглаштирди.
Шу тариқа жамоалар қўшимча бўлимларга йўл олди. Қўшимча бўлимларда дарвозалар дахлсизлиги сақланиб қолди ва ғолиб номи пенальтиларда аниқланадиган бўлди.
Пенальтилар сериясида эса “Манчестер Юнайтед” 4:2 ҳисобида зафар қучиб, финалга йўл олди.
“Манчестер Юнайтед” 25 май куни финалда “Манчестер Сити”га қарши баҳс олиб боради.
Англия Кубоги
Ярим финал баҳси
21 апрель, шанба
“Ковентри” — “Манчестер Юнайтед” 3:3
Голлар: 0:1 – 23 Мактоминей, 0:2 – 45+1 Магуайр, 0:3 – 58 Бруну Фернандеш, 1:3 – 71 Симмс, 2:3 – 79 ЎҲаре, 3:3 – 90+5 Райт (пенальти).
“Ковентри”: Коллинз, ван Эвейк, Латибодер (Тавареш, 63; Годден, 105), Китчинг (Бинкс, 63), Томас, Бидуэлл (Дасилва, 80), Шиф, ЎҲаре, Экклз (Торп, 63), Райт, Симмс.
“Манчестер Юнайтед”: Онана, Диогу Далот, Магуайр, Каземиро, Уан-Биссака, Бруну Фернандеш, Мактоминей (Форсон, 103), Майну (Эриксен, 72), Гарначо (Антони, 66), Рэшфорд (Диалло, 90), Ҳейлунд.
Огоҳлантиришлар: Онана (1), Коллинз (1), Томас (82), Дасилва (111).
Изоҳ (0)