Португалиялик футболчи Нани фаолиятини якунлади.
Ярим ҳимоячи бу ҳақда ижтимоий тармоқдаги видеомурожаатида маълум қилди.
“Хайрлашиш вақти келди, мен профессионал футболчи сифатидаги фаолиятимни якунлашга қарор қилдим. Бу ажойиб саёҳат бўлди ва 20 йилдан ортиқ давом этган карьерамда қийин дамларда менга ёрдам бериб қўллаб-қувватлаган ҳамда менга унутилмас хотиралар берган ҳар бир инсонга миннатдорчилик билдирмоқчиман. Янги мақсадлар ва орзуларга эътибор қаратиш вақти келди. Кўришгунча! Раҳмат”, деган у.
Маълумот учун, португалиялик футболчи фаолияти давомида “Спортинг”, “Манчестер Юнайтед”, “Фенербаҳче”, “Валенсия”, “Latsio”, “Орландо Сити”, “Венеция”, “Мелбурн Виктори”, “Адана Демирспор” ва “Эштрела” жамоаларида ўйнаган.
У манчестерликлар сафида 4 марта АПЛ чемпиони бўлган. Шу билан бирга, 2007/08 йилги мавсумда Чемпионлар Лигасида ғолиб бўлган.
Нани Португалия миллий жамоаси сафида 112 та ўйин ўтказган ва Евро-2016 да чемпион бўлган.
Изоҳ (0)