Саудия клублари “Манчестер Юнайтед” ярим ҳимоячиси Каземирони сотиб олиш ниятида.
Клублар Каземиродан ташқари унинг жамоадоши Бруно Фернандешга ҳам қизиқиш билдирган, бироқ португалиялик футболчи билан шартнома имзолаш эҳтимоли камроқ, деб хабар беради The Telegraph.
Манбага кўра, Каземиро вакиллари Саудия клублари билан музокараларни бошлаб юборган. “Юнайтед” футболчини сотишга тайёр ва трансфер ойнаси бошида буни амалга оширишни хоҳлайди. Аммо бразилиялик футболчи жамоани тарк этишни истамаса, клуб уни ўзида сақлаб қолади.
Шунингдек, “қизил иблислар” Фернандешни майдондаги ижрочи сифатида ҳам, етакчи сифатида ҳам ўзининг энг муҳим футболчиси деб билишини айтган. “Юнайтед” Брунони сотиш ҳақида ўйлаши учун клуб араб клубларидан жуда юқори қийматли таклиф олиши ва футболчининг ўзи кетишни хоҳлаши керак.
- Каземиро 2022 йилдан бери Англия клубида ўйнаб келади. У шу давр мобайнида 51 учрашувда қатнашиб, 5 бора рақиблар дарвозасини ишғол қилишга эришган.
- 2020 йилдан бери “қизил иблислар” сафида ўйнаётган Бруну клуб сафида 157 учрашувни ўтказган ва рақиблар дарвозасига 54 бора йўл топган.
Изоҳ (0)