“Манчестер Сити” пенальтилар сериясида “Манчестер Юнайтед”ни мағлуб этиб, Англия Суперкубоги соҳибига айланди

Англия Суперкубогида “Манчестер Юнайтед” ва “Манчестер Сити” клублари 10 август, шанба куни ўзаро тўқнаш келди.

Учрашувнинг биринчи бўлимида дарвозалар ишғол этилмади.

Иккинчи бўлимда ҳам жамоалар кетма-кет хавфли вазиятлар яратди. 82-дақиқада Алехандро Гарначо ҳисобни очди. 89-дақиқада эса Бернарду Сильва ҳисобни тенглаштирди.

Учрашувнинг асосий бўлимларида дуранг қайд этилгач, ғолиб номи пенальтилар сериясида аниқланадиган бўлди.

Пенальтилар сериясида эса “шаҳарликлар”нинг қўли баланд келди ва Англия Суперкубоги ғолибига айланди.

Англия Суперкубоги—2024

10 август, шанба

“Манчестер Сити” — “Манчестер Юнайтед” 1:1 

Пенальтилар серияси: 7:6

Голлар: 0:1 – 82 Гарначо, 1:1 – 89 Бернарду Сильва.

“Манчестер Сити”: Эдерсон, Гвардиол (Аке, 90), Рубен Диаш, Аканжи, Льюис, Макати (Бернарду Сильва, 80), Ковачич, O‘Райли (Матеуш Нунеш, 63), Доку (Савио, 63), Ҳоланд, Бобб (де Брюйне, 90).

“Манчестер Юнайтед”: Онана, Мартинес, Эванс, Магуайр (Пелистри, 58), Диогу Далот, Майну (Коллиэр, 59), Каземиро, Маунт (Мактоминей, 58), Рэшфорд (Санчо, 83), Диалло (Гарначо, 59), Бруну Фернандеш.

Огоҳлантиришлар: Матеуш Нунеш (68), Бернарду Сильва (85).