АҚШ президенти Дональд Трамп урушни тугатиш учун Украина президенти Владимир Зеленскийни Қрим ва НАТОдан воз кечишга чақирди. Бу ҳақда сиёсатчи ўзининг Truth Social саҳифасида ёзиб қолдирди.
Президентлар 18 август куни Оқ уйда музокара олиб боради. Икки томонлама учрашув Тошкент вақти билан соат 22:15 да бошланади. Украина президенти музокаралар учун аллақачон Вашингтонга етиб келган.
Президент Зеленский истаса, Россия билан урушни дарҳол тугатиши ёки давом эттириши мумкин. Ҳаммаси нимадан бошланганини эсланг. Обама берган Қримни (12 йил олдин, битта ҳам ўқ узмасдан!) қайтариб бўлмайди. Украинанинг НАТОга аъзо бўлиши ҳам йўқ. Баъзи нарсалар ҳеч қачон ўзгармайди!!!, деди АҚШ президенти учрашув олдидан.
Шунингдек, у Европа иттифоқи давлатлари раҳбарлари ва Зеленский билан музокаралар арафасида Оқ уйда “катта кун” бўлишини эълон қилди.
Мен ҳеч қачон бир вақтнинг ўзида бунчалик кўп Европа етакчилари билан учрашув ўтказмаганман. Уларни қабул қилиш мен учун катта шараф, деган Трамп.
Украина президенти Вашингтонга келгач ўзининг Telegram каналида музокарлардан кутилмаларини маълум қилди.
Биз бу урушни тез ва ишончли тарзда тугатишни хоҳлаймиз. Тинчлик эса узоқ муддат давом этиши керак. Бу аввалгидек бўлмаслиги лозим — Украина Қримни ва Донбасснинг бир қисмини беришга мажбур қилинган, Путин эса бундан янги ҳужум учун трамплин сифатида фойдаланган пайтлардагидек эмас. Ёки 1994 йилда Украинага гўёки “хавфсизлик кафолатлари” берилган, аммо бу иш бермаган ҳолатлардагидек эмас.
Албатта, 2022 йилдан кейин украиналиклар Киев, Одесса, Харьковни бермагани сингари, ўшанда ҳам Қримни бермаслик керак эди. Украиналиклар ўз ери, ўз мустақиллиги учун курашмоқда, деди президент.
У ҳозирда украин ҳарбийлари Донецк ва Сумий вилоятларида муваффақиятларга эришаётгани айтди. Шунингдек, Россия ўзи бошлаган бу урушни тугатиши шартлигини хулоса қилди.
Изоҳ (0)