АПЛ. “Манчестер Юнайтед” сўнгги дақиқаларда камбекни амалга ошириб, ғалаба қозонди, “Челси” сафарда рақибини йирик ҳисобда мағлуб этди (видео)

Футбол бўйича Англия Премьер Лигасининг 8-туридан ўрин олган қатор ўйинлар 7-октябрь, шанба куни бўлиб ўтди.

“Челси” сафарда “Бёрнли” меҳмони бўлди. Учрашувнинг 15-дақиқасида Одобер мезбонларни ҳисобда олдинга олиб чиқди. 42-дақиқада Ал-Даҳил автогол уриб, мувозанат тикланишига сабабчи бўлди. Иккинчи бўлимда эса “аристократлар” кетма-кет голлар ура бошлади. Дастлаб, 50-дақиқада Коул Палмер пенальтидан унумли фойдаланди. 65-дақиқада Раҳим Стерлинг ўз ҳисобига гол ёздириб қўйди. 74-дақиқада эса Николас Жексон ҳисобни йирик кўринишга олиб келди. Шу тариқа “Челси” 4:1 ҳисобида зафар қучди. 

“Манчестер Юнайтед” эса “Брентфорд”га қарши баҳс олиб борди. Учрашувнинг 26-дақиқасида Матиас Йенсэн “Брентфорд”ни ҳисобда олдинга олиб чиқди. Бўлимларнинг қолган дақиқаларида эса дарвозалар ишғол этилмади. Бироқ, 90-дақиқадан кейин манкунианликлар иккита гол уриб, ғалабани илиб кетди. 90+3-дақиқада Скот Мактоминей мувозанатни тиклади, орадан 4 дақиқа ўтиб, яна Мактоминей дарвозани ишғол қилиб, “қизил иблислар”га ғалаба олиб келди. 

“Тоттенҳэм” Микки ван де Веннинг ягона голи эвазига “Лютон” устидан ғалаба қозонди.

АПЛ

8-тур

7-октябрь, шанба

“Бёрнли” — “Челси” 1:4

Голлар: 1:0 – 15 Одобер, 1:1 – 42 Ал-Даҳил (автогол), 1:2 – 50 Палмер (пенальти), 1:3 – 65 Стерлинг, 1:4 – 74 Жексон.

“Бёрнли”: Траффорд, Витиньо, Делкруа, Ал-Даҳил, Тейлор, Робертс, O’ши, Бруун Ларсен, Ремзи, Колиошо, Браунхилл, Каллен, Берге, Ндайишимие, Одобер, Фостер.

“Челси”: Санчес, Кукуреля, Тиаго Сильва, Дисаси, Колуилл, Матсэн, Мудрик, Галлаҳер, Фернандес, Кайседо, Жексон, Палмер, Стерлинг, Броя.

Огоҳлантиришлар: Кукуреля (26), Фернандес (27), Каллен (30), Одобер (38), Тиаго Сильва (45), Почеттино (45), Кайседо (74).

“Манчестер Юнайтед” — “Брентфорд” 2:1

Голлар: 0:1 – 26 Йенсэн, 1:1 – 90 Мактоминей, 2:1 – 90 Мактоминей.

“Манчестер Юнайтед”: Онана, Диогу Далот, Эванс, Магуайр, Линделеф (Марсял, 71), Каземиро (Эриксен, 46), Бруну Фернандеш, Амрабат (Мактоминей, 87), Маунт (Антони, 63), Рэшфорд (Гарначо, 63), Ҳейлунд.

“Брентфорд”: Стракоша, Роэрслев, Аер, Пиннок, Коллинз, Хики, Нергор, Йенсэн (Годдос, 83), Янелт (Oneка, 70), Висса (Мопе, 70), Мбемо.

Огоҳлантиришлар: Хики (10), Нергор (48), Коллинз (65), Янелт (67), Мопе (79).

“Лютон” — “Тоттенҳэм” 0:1

Гол: 0:1 – 52 ван де Вен.

“Лютон”: Камински, Берк, Локер (Баркли, 81), Андерсен (Менжи, 59), Даути, Раддок-Мпанзу (Чонг, 67), Накамба, Браун (Берри, 66), Моррис, Адебайо (Вудроу, 67), Огбене.

“Тоттенҳэм”: Викарио, Порро, Ромеро, ван де Вен, Удожи (Дэвис, 82), Мэддисон (Скипп, 76), Биссума, Кулусевски (Велис, 90), Сарр, Сон Ҳён Мин (Эмерсон, 76), Ришарлисон (Ҳёйберг, 46).

Огоҳлантиришлар: Локер (19), Моррис (34), Биссума (38), Ҳёйберг (68).

Четлатиш: Биссума (45).