Yangi yilda quvnoq, bayramona kayfiyatni yaratmoqchimisiz? Quyida haqiqiy Yangi yil shukuhini beradigan eng yaxshi hind filmlari ro‘yxatini taqdim etamiz.
“Yoshlik — beboshlik”
Ranbir Kapur va Dipika Padukone ishtirok etgan ushbu romantik komediya do‘stlik, oila va karyera haqida hikoya qiladi. Film qisman qorli Himolay tog‘lari fonida suratga olinib, tomoshabinga bayramona shukuh bag‘ishlab, Yangi yil arafasida tugaydi. “Yoshlik — beboshlik” filmi 2013-yilning eng yaxshi blokbasterlaridan biri deb topilgan.
“Yangi yil bilan”
Farah Xonning bayramona filmida Shohrux Xon, Dipika Padukone, Abhishek Bachchan, Sonu Sud, Boman Irani va boshqalar ishtirok etgan. Yangi yil arafasida sodir bo‘lgan o‘g‘rilik haqidagi rang-barang hikoya.
“Begonalar”
“Begonalar” — Priyanka Chopra va Ranbir Kapur ishtirokidagi o‘z joniga qasd qilmoqchi bo‘lgan bosh qahramonlarning g‘ayrioddiy sevgi hikoyasidir. So‘ng ular rejalarini Yangi yilga qoldirib, 31-dekabrda o‘lishga qaror qiladi. Qolgan bir necha kun davomida o‘z zavqlari uchun yashashadi va bir-birlarini sezmasdan sevib qoladi.
“Sen yagona, men tanho”
Shakun Batraning filmida Karina Kapur va Imron Xon Rojdestvo bayramida mastlik tufayli turmush quradi. Keyinchalik ular xatoni tuzatishga harakat qiladi va haqiqatan ham bir-birlari uchun mosmi yoki yo‘qligini aniqlashga harakat qiladi.
“Men Yangi yilni sevaman”
Sanni Deol va Kangana Ranaut ishtirok etgan komediya “Taqdir hazili yoki qushdek yengil bo‘ling” motivi asosida suratga olingan.
“Muhabbat va nafrat”
Rejissor Rohit Shettining Shohrux Xon, Kajol, Varun Dhavan va Kriti Sanon ishtirok etgan jangovar melodramasi oilaviy munosabatlar va muhabbat haqida. Ushbu film juda uzoq vaqtdan so‘ng Kajol va Xonni ekranda birlashtirdi va muxlislar e’tirofiga sazovor bo‘ldi.
“Musiqa olami”
Manisha Koyrala ishtirokidagi mashhur “Aaj Main Upar Aasmaan Neeche” qo‘shig‘i Rojdestvo ruhiga to‘la. U bayram qilish uchun uyni xursandchilik bilan bezatadi. Bu qo‘shiqda Salmon Xonni ham ko‘rish mumkin.
Izoh (0)