Нафақат ташқи кўриниши, балки истеъдоди билан ҳам оламшумул машҳурликка эришган ҳинд актёрлари (фото)

Мазкур Болливуд актёрлари ўзининг меҳнаткашлиги ва истеъдоди билан нафақат Ҳиндистонда, балки бутун дунёда ҳам муваффақиятга эришган.

Ритик Рошан

Ритик Рошан ижодкорлар оиласида туғилган — отаси актёр, амакиси бастакор, бобоси эса режиссёр бўлган. Шу сабабли унинг келажаги олдиндан белгилаб қўйилган эди. Ёшлигида у жуда оғир вақтларни ўтказади, чунки у дудуқланиш ва қўлидаги ортиқча бармоғидан хавотирда эди. Келажакда унинг нутқидаги муаммолар бартараф этилади, натижада ўзига бўлган ишончи ортади. У биринчи марта болалигида — 1980 йилда фильмларда ўйнаган, 2000 йилда эса “Севишингни айт” фильмида катталар ролини ижро этади. У “Гоҳи шодлик, гоҳи ғам”, “Биз ёлғиз эмасмиз”, “Криш” ва “Ўша кун” фильмлари туфайли машҳур бўлди. Шунингдек, у нуфузли Filmfare мукофоти совриндори ҳисобланади.

Шаҳид Капур

Шаҳид Капурнинг отаси актёр, онаси эса актриса ва раққоса. Мактабдан сўнг у коллежнинг Санъат бўлимида ўқийди. Шаҳид рақс академиясида ҳам таҳсил олган, шунинг учун у “Севги ритмлари” фильмида раққос сифатида иштирок этган. У Pepsi реклама ролигида суратга тушишга таклиф қилингунча узоқ вақт хореография ўқитувчиси бўлиб ишлайди. Кейинчалик “Севги нима?” фильмида суратга тушган Шаҳид Капур келажакда машҳур Болливуд актёрлари билан бирга кўплаб муваффақиятли фильмларда ўйнайди. 2015 йилда “Ҳайдар” фильмидаги роли учун Filmfare мукофотини қўлга киритади.

Шоҳрух Хон

Шоҳрух Хон дунёдаги энг бой актёрлардан бири бўлиб, Filmfare мукофотлари бўйича ҳам рекордчи ҳисобланади. У оддий оилада туғилган, иқтисод йўналиши бўйича университетни ҳам тамомлаган. Кейинчалик у оммавий коммуникациялар бўйича магистр даражасини олади, лекин охир-оқибат актёр бўлишга қарор қилади. Биринчи фильми “Кабаре раққоси” эди. Унинг фильмографиясида 100 дан ортиқ фильмлар мавжуд бўлиб, уларнинг аксарияти танқидчилар томонидан юқори баҳоланган.

Акшай Кумар

Ёшлигида Акшай Кумар спортни яхши кўрарди, бу унга жанг санъати ўқитувчиси бўлишга имкон беради. Бир куни унинг фотосуратчи шогирдларидан бири уни моделликка таклиф қилади. У профессионал фотосуратлар портфелини тўплайди ва уларни кинопродюсерларга юборади. 1991 йилда у “Қасам” фильмида биринчи ролини ўйнайди. Аммо у фақат “Омадсиз ўғрилик” триллеридан кейингина машҳур бўлади. Бунинг ортидан янада муваффақиятли фильмларда иштирок этади — бу унга Filmfare мукофоти совриндори бўлишига ёрдам беради.

Сиддҳартҳ Малҳотра

18 ёшида Сиддҳартҳ Малҳотра моделлик фаолиятини бошлайди, аммо 4 йилдан сўнг у актёрлик касби сабаб моделликдан кетади. Дастлаб у “Менинг исмим Хон” фильмида режиссёр Каран Жоҳарнинг ёрдамчиси бўлиб ишлаган. 2012 йилда у “Йил талабаси” фильмида рол ўйнашга муваффақ бўлган. Оламшумул машҳурлик “Ёвуз” фильмидан кейин насиб қилади. Айни пайтда у 28 та фильмда рол ўянган ва янги лойиҳаларда фаол иштирок этишда давом этмоқда.

Салмон Хон

Салмон Хон ўзининг актёрлик фаолиятини 22 ёшида “Рафиқа” фильми билан бошлайди. Фильмда у иккинчи даражали ролни ўйнайди, бош ролни эса афсонавий актриса Бҳанурекҳа Ганешан ўйнайди. Салмонга муваффақият 1989 йилда “Мен сени севардим” фильмидан кейин келади. Фильм ҳинд киносида шу қадар машҳур бўладики, актёр “Энг яхши дебют” ва “Энг яхши актёр” номинацияларида Filmfare мукофотини қўлга киритади. Фаолияти давомида у 139 та фильмда суратга тушган.

Ранвир Сингҳ

Ранвир Сингҳ болалигиданоқ актёр бўлишни, мактаб спектаклларида рол ўйнашни ва қариндошларини рақслар билан хурсанд қилишни орзу қилган. Аммо бир оз улғайгач, ўзи хоҳлаган нарсага эришиш осон бўлмаслигини тушуниб, тижорат ва иқтисод йўналиши бўйича коллежга ўқишга киради. Шу сабаб у АҚШдаги Санъат университетига ўқишга киради. Ўқишни тамомлаб, ватанига қайтган Ранвир аввал реклама соҳасида, сўнгра кинода режиссёр ёрдамчиси сифатида ишлай бошлайди. У 2010 йилда “Ғаройиб тўй” фильмида дебют қилган ва бу фильм учун Filmfare мукофотига сазовор бўлган.