Шимолий Корея Москванинг Украинадаги ҳарбий амалиётларини қўллаб-қувватлаш мақсадида Россияга қўшимча аскар ва ҳарбий техника жўнатишга тайёрланмоқда, дея Воиcе оф Америcа хабар берди.
Фото: NBC News
Жанубий Корея разведкаси маълумотларига кўра, Россияга бир неча минглаб қўшин жўнатган Пхеньяннинг йўқотишлари 1100 кишини ташкил қилмоқда.
Шунингдек, Шимолий Корея Россияга ўз қўшинларини жойлаштириш ёки кўпайтиришга тайёрланмоқда, шу билан бирга, 240 мм ли ракета ва 170 мм ли ўзиюрар артиллерия билан таъминлаши кутилмоқда.
Бирлашган штаблар бошлиқлари расмийси Reuters агентлигига “камикадзе дронлари Шимолий Корея етакчиси Ким Чен Ин эътибор қаратаётган муҳим вазифаларидан бири” эканини таъкидлади. Ходимнинг қўшимча қилишича, Пхеньян уларни Россияга топшириш ниятини билдирган.
Ноябрь ойида Ким Чен Ин камикадзе дронларини синовдан ўтказишни назорат қилиб, уларни оммавий ишлаб чиқаришга чақирган эди.
Фото: AFP
Бирлашган қўмита Шимолий Корея томондан ҳеч қандай провокация аломатлари аниқланмаган бўлса-да, Пхеньян партиянинг якуний йиллик пленумига бағишланган қандайдир ҳаракатларни амалга ошириши, масалан, гипертовушли ўрта масофали баллистик ракетани учириши мумкинлигини таъкидлади.
Украина армияси Россия Украинада Шимолий Корея ҳарбий хизматчилари борлигини уларга сохта ҳужжатлар бериш орқали яширишга уринаётганини маълум қилган.
Аввалроқ Россия томонида Украинага қарши жанг қилган ва асирга олинган КХДР аскари олган жароҳатларидан вафот этгани ҳақида хабар берилган эди.
“Биз дўст мамлакатнинг разведка ташкилотидан 26 декабрь куни тириклайин қўлга олинган Шимолий Корея аскари жароҳатлари оғирлашгани сабабли бир оз вақт олдин вафот этгани ҳақида тасдиқнома олдик”, дея хабар берди Жанубий Корея Миллий разведка хизмати.
Ҳарбийнинг ўлими ҳақидаги хабар Сеул КХДР аскари биринчи марта Украинага асирга тушганини тасдиқлаганидан бир неча соат ўтиб эълон қилинган.
Изоҳ (0)