Shimoliy Koreya Moskvaning Ukrainadagi harbiy amaliyotlarini qo‘llab-quvvatlash maqsadida Rossiyaga qo‘shimcha askar va harbiy texnika jo‘natishga tayyorlanmoqda, deya Voice of America xabar berdi.
Foto: NBC News
Janubiy Koreya razvedkasi maʼlumotlariga ko‘ra, Rossiyaga bir necha minglab qo‘shin jo‘natgan Pxenyanning yo‘qotishlari 1100 kishini tashkil qilmoqda.
Shuningdek, Shimoliy Koreya Rossiyaga o‘z qo‘shinlarini joylashtirish yoki ko‘paytirishga tayyorlanmoqda, shu bilan birga, 240 mm li raketa va 170 mm li o‘ziyurar artilleriya bilan ta’minlashi kutilmoqda.
Birlashgan shtablar boshliqlari rasmiysi Reuters agentligiga “kamikadze dronlari Shimoliy Koreya yetakchisi Kim Chen In e’tibor qaratayotgan muhim vazifalaridan biri” ekanini ta’kidladi. Xodimning qo‘shimcha qilishicha, Pxenyan ularni Rossiyaga topshirish niyatini bildirgan.
Noyabr oyida Kim Chen In kamikadze dronlarini sinovdan o‘tkazishni nazorat qilib, ularni ommaviy ishlab chiqarishga chaqirgan edi.
Foto: AFP
Birlashgan qo‘mita Shimoliy Koreya tomondan hech qanday provokatsiya alomatlari aniqlanmagan bo‘lsa-da, Pxenyan partiyaning yakuniy yillik plenumiga bag‘ishlangan qandaydir harakatlarni amalga oshirishi, masalan, gipertovushli o‘rta masofali ballistik raketani uchirishi mumkinligini ta’kidladi.
Ukraina armiyasi Rossiya Ukrainada Shimoliy Koreya harbiy xizmatchilari borligini ularga soxta hujjatlar berish orqali yashirishga urinayotganini ma’lum qilgan.
Avvalroq Rossiya tomonida Ukrainaga qarshi jang qilgan va asirga olingan KXDR askari olgan jarohatlaridan vafot etgani haqida xabar berilgan edi.
“Biz do‘st mamlakatning razvedka tashkilotidan 26-dekabr kuni tiriklayin qo‘lga olingan Shimoliy Koreya askari jarohatlari og‘irlashgani sababli biroz vaqt oldin vafot etgani haqida tasdiqnoma oldik”, deya xabar berdi Janubiy Koreya Milliy razvedka xizmati.
Harbiyning o‘limi haqidagi xabar Seul KXDR askari birinchi marta Ukrainaga asirga tushganini tasdiqlaganidan bir necha soat o‘tib e’lon qilingan.
Izoh (0)