“Ланс” мухлислари жамоанинг октябрь ойидаги энг яхши футболчисини аниқлади.
Унда Ўзбекистон миллий жамоаси ҳимоячиси Абдуқодир Ҳусанов 82,84% овоз олиб, катта фарқ билан биринчи ўринда қайд этилди. Кейинги ўринларни яна бир ҳимоячи Факундо Медина (7,93%) ва ярим ҳимоячи Анди Диуф (2,58%) эгаллади.
Октябрь ойида 20 ёшли футболчи “Ланс” сафида барча 3 ўйинда тўлиқ ҳаракат қилди ва Sofascore талқинига кўра ўйинларда ўртача 7 балл олди. Жорий мавсумда Абдуқодир клуб сафида 11 ўйинда қатнашди.
Аввалроқ Абдуқодирга АПЛнинг бир нечта клублари, хусусан “Челси”, “Ньюкасл” ва “Арсенал” клублари қизиқиш билдираётгани маълум қилинганди.
Маълумот учун, ёш ҳимоячи Футбол тарихи ва статистикаси халқаро федерацияси (IFFHS) 2004 йил 1 январдан кейин туғилган футболчилар орасида дунёнинг “Энг яхши ёш футболчиси” бўлишга даъвогар бўлган 25 футболчи рўйхатига киритилди.
Изоҳ (0)