Абдуқодир Ҳусанов энг ёш, Ҳасанбой энг яхши эркак спортчи, Келдиёрова энг яхши аёл спортчи — ўзбек спортида йилнинг энг яхшилари аниқланди

Тошкентдаги Олимпия ва Паралимпия шон-шуҳрати музейида 2024 йилнинг энг яхшиларини тақдирлаш маросими бўлиб ўтди.

Унда бир неча йўналишларда йилнинг энг яхшилари номи эълон қилинди. Унга кўра, икки карра Олимпиада чемпиони Ҳасанбой Дўсматов энг яхши эркак спортчи, дзюдо бўйича Олимпиада чемпиони Диёра Келдиёрова эса энг яхши аёл спортчи сифатида эътироф этилди. Футбол бўйича Ўзбекистон миллий терма жамоаси аъзоси Абдуқодир Ҳусанов эса йилнинг энг яхши ёш спортчиси бўлди.

Барча ғолиблар рўйхати билан танишинг: 

• Йилнинг энг яхши ёш спортчиси: Абдуқодир Ҳусанов (футбол)
• Йилнинг энг яхши ёш паралимпиячиси: Асадбек Тоштемиров (пара таеквондо)
• Ноолимпия спорт турларида йилнинг энг яхши терма жамоаси: Шахмат бўйича Ўзбекистон терма жамоаси
• Нопаралимпия спорт турларида йилнинг энг яхши терма жамоаси: Пара шахмат бўйича Ўзбекистон терма жамоаси
• Спорт тарғиботи йўлидаги узоқ йиллик хизматлари учун: Лола Абдуюсупова (“Спорт” телеканали режиссёри)
• Йилнинг энг фаол спорт тарғиботчиси: Нодир Тўйчиев
• Йилнинг энг яхши спорт фотомухбири: Алмурат Мамадаминов (ЎзА)
• Йилнинг энг яхши спорт журналисти: Марина Якубова (“Спорт” телеканали мухбири)
• Йилнинг энг яхши спорт шифокори: Диана Саттарова (Республика спорт тиббиёти илмий-амалий маркази)
• Йилнинг энг яхши ҳаками: Зуҳра Абдуллаева (оғир атлетика)
• Юксалаётган федерация: Ўзбекистон камондан отиш федерацияси
• Йилнинг энг яхши спорт тадбири ташкилотчиси: Ўзбекистон футбол ассоциацияси
• Йилнинг энг яхши спорт федерацияси: Ўзбекистон таеквондо WТ ассоциацияси
• Йилнинг энг яхши пара терма жамоаси: Пара енгил атлетика бўйича Ўзбекистон терма жамоаси
• Йилнинг энг яхши терма жамоаси: Бокс бўйича Ўзбекистон терма жамоаси
• Йилнинг энг яхши пара спорт мураббийи: Яҳё Якубов
• Мухлислар меҳрини қозонган спортчи: Ситора Турдибекова (бокс)
• Мухлислар меҳрини қозонган пара спортчи: Рўза Қўзиева (пара пауерлифтинг)
• Йилнинг энг яхши аёл паралимпиячиси: Нурхон Қурбонова (пара енгил атлетика)
• Йилнинг энг яхши аёл спортчиси: Диёра Келдиёрова (дзюдо)
• Йил кашфиёти: Разамбек Жамалов (эркин кураш)
• Йилнинг энг яхши эркак паралимпиячиси: Ҳусниддин Норбеков (пара енгил атлетика)
• Йилнинг энг яхши эркак спортчиси: Ҳасанбой Дўсматов (бокс)