Ўзбекистон футбол ассоциацияси 2024 йил якунларига кўра, Ўзбекистоннинг энг яхши ўйинчиси бўлишга даъвогарлар номини маълум қилди.
ЎФА матбуот хизмати хабарига кўра, 2024 йилда 14 нафар футболчи ушбу соврин учун кураш олиб боради. “Йил футболчиси” номига даъвогар 14 футболчидан 13 нафари Ўзбекистон миллий жамоаси аъзолари ҳисобланади. Ушбу рўйхатдаги “Динамо” клуби ҳужумчиси Анваржон Ҳожимирзаев ҳозирча терма жамоа сафида ўйнамаган.
Ўзбекистоннинг 2024 йилдаги энг яхши футболчиси номига даъвогар ўйинчилар рўйхати:
- Аббосбек Файзуллаев (“ЦСКА”)
- Ҳусниддин Алиқулов (“Ризеспор”)
- Абдуқодир Ҳусанов (“Ланс”)
- Одил Ҳамробеков (“Навбаҳор”)
- Абдувоҳид Неъматов (“Насаф”)
- Жалолиддин Машарипов (“Истиқлол Эрон”)
- Акмал Мозговой (“Насаф”)
- Остон Ўрунов (“Персеполис Эрон”)
- Анваржон Ҳожимирзаев (“Динамо”)
- Жамшид Искандеров (“Навбаҳор”)
- Элдор Шомуродов (“Рома”)
- Отабек Шукуров (“Ал-Фейҳа”)
- Ўткир Юсупов (“Навбаҳор”)
- Шерзод Насруллаев (“Насаф”)
Маълумот учун, 2023 йилда Аббосбек Файзуллаев Ўзбекистоннинг энг яхши ўйинчиси деб топилганди.
Изоҳ (0)