Бангладеш шимоли-шарқида 26 март, якшанба куни худкуш террорчи армия назорат-ўтказиш пункти яқинида портловчи қурилмани ҳаракатга келтирди. Бу ҳақда «ТАСС» хабар бермоқда.
Портлаш оқибатида 6 киши ҳалок бўлди, ўнлаб кишилар яраланди.
Ҳодиса Ҳиндистон билан чегарадаги Силхет вилояти аэропорти ҳудудида рўй берди. Қурбонларнинг икки нафари ҳуқуқ-тартибот идоралари ходимлари эканлиги билдирилмоқда.
Ҳужум учун жавобгарликни ИШИД ўз зиммасига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)