Zominda qurilayotgan yangi aerodromga 24-iyul kuni Toshkentdan ilk samolyot parvozi amalga oshirildi, deb xabar bermoqda “Daryo” muxbiri.
Poytaxtdan Let L-410 rusumli samolyot Zomingacha 32 daqiqada yetib keldi. 19 o‘ringa mo‘ljallangan ushbu samolyot tantanali ravishda kutib olindi.
Jizzax viloyati Zomin tumani “Laylak uya” massivi hududida joylashgan Zomin aerodromida 30 o‘ringa mo‘ljallangan yo‘lovchi terminalini qurish ishlari olib borilmoqda. 60 gektar yer maydoni ajratilgan mazkur obyektda 200 nafardan ortiq ishchi mehnat qilmoqda.
Eslatib o‘tamiz, Qashqadaryo, Surxondaryo va Jizzax viloyatlarining turizm salohiyatini yanada oshirish maqsadida Shahrisabz va Sariosiyo aeroportlariga aviaqatnovlarni tiklash, shuningdek, Zomin aeroportiga aviaqatnovlar yo‘lga qo‘yilishi haqida xabar berilgan edi.
Izoh (0)