Лондоннинг “Тоттенҳэм” клуби раҳбарияти жамоа ҳужумчиси Сон Ҳён Мин билан ҳамкорликни узайтиришни истамоқда. Бу ҳақда инсайдер Фабрицио Романо ижтимоий тармоқлардаги саҳифасида маълум қилди.
“Шпорлар” меҳнат шартномасини яна бир йилга узайтириш имкониятини кўриб чиқади. Томонлар ўртасидаги амалдаги шартнома муддати 2025 йил ёзида якунланади. Жорий мавсумда 32 ёшли кореялик ҳужумчи “Тоттенҳэм” сафида 20 ўйинда майдонга тушиб, 7 та гол ва 6 та голли узатмани амалга оширди. Англия чемпионатининг 17-туридан сўнг “Тоттенҳэм” 23 очко тўплаб, турнир жадвалида 11-ўринни эгаллаб турибди.
Сон Ҳён Мин Жанубий Корея сафида 131 учрашувда қатнашиб, 50 бор рақиблар дарвозасини ишғол қилган. Transfermarkt портали осиёлик футболчининг трансфер қийматини 38 миллион еврога баҳолаган.
Изоҳ (0)