Ижтимоий тармоқларда июнь ойида “Тоттенҳэм” клубининг уругвайлик ярим ҳимоячиси иштирокидаги видео тарқалди.
Унда телебошловчи Бентанкурдан жамоадошининг футболкасини сўради. “Сонни? Бу Соннининг амакиваччасининг футболкаси ҳам бўлиши мумкин. Уларнинг барчаси бир хил кўринишга эга”, деб жавоб берди Родриго.
Кейинчалик Бентанкур ижтимоий тармоқларда Сондан узр сўради.
“Мен Родригони яхши кўраман. Бизда жуда кўп яхши хотиралар бор, биз у трансфер қилинганидан бери (2022 йилнинг январида) бирга ўйнаяпмиз. У ҳаммасини тушунди ва таътилга чиққанимизда дарҳол кечирим сўради. Мен уйда эдим ва нима бўлаётганини ҳам тушунмадим. У менга узоқ хабар юборди ва бу юракдан чиққани аниқ эди”, деди Сон.
Англия футбол ассоциацияси (ФА) Бентанкурни “нотўғри хатти-ҳаракатлар” ва “этник ёки ирқий ҳақоратомуз сўзларни ишлатганлик”да айблади.
Daily Mail хабарига кўра, уругвайлик футболчи узоқ муддатга дисквалификация қилиниши мумкин. Бир нечта манбаларга кўра, футболчи 7 ўйинга четлатилади, аммо бу рақам ҳали тасдиқланмади.
Изоҳ (0)