АПЛ. “Арсенал” дербида “Тоттенҳэм”ни мағлуб этди 

Футбол бўйича Англия Премьер Лигасининг 35-туридан ўрин олган ўйинда “Арсенал” ва “Тоттенҳэм” 28 апрель, якшанба куни ўзаро тўқнаш келди. 

Учрашувнинг 15-дақиқасида Ҳёйберг ўз дарвозасини ишғол қилди. 27-дақиқада Сака ҳисобни ишончли кўринишга олиб келди. 38-дақиқада Кай Ҳаверц “канонирлар”нинг учинчи голига муаллифлик қилди.

Иккинчи бўлимда эса “шпорлар” 2 та гол уришга муваффақ бўлди. Дастлаб, 64-дақиқада Ромеро ҳисобни қисқартирган бўлса, 87-дақиқада Сон пенальтини аниқ амалга оширди.

Якуний ҳисоб 3:2 — “Арсенал” фойдасига. Микель Артета шогирдлари ушбу ғалабадан сўнг очколари сонини 80 тага етказиб, 1-ўринни мустаҳкамлади. “Тоттенҳэм” эса 60 очко билан 5-поғонани банд этган.

АПЛ

35-тур баҳси

28 апрель, якшанба

“Тоттенҳэм” – “Арсенал” 2:3

Голлар: 0:1 – 15 Ҳёйберг, 0:2 – 27 Сака, 0:3 – 38 Ҳаверц, 1:3 – 64 Ромеро, 2:3 – 87 Сон Ҳён Мин (пенальти).

“Тоттенҳэм”: Викарио, Порро, Ромеро, ван де Вен, Дэвис (Ло Чельсо, 88), Ҳёйберг (Биссума, 64), Мэддисон (Ришарлисон, 64), Бентанкур (Сарр, 46), Кулусевски, Сон Ҳён Мин, Вернер (Жонсон, 31).

“Арсенал”: Райя, Уайт, Габриэль, Салиба, Томиясу, Парти, Эдегор (Кивер, 89), Райс, Ҳаверц, Троссард (Мартинелли, 63), Сака.

Огоҳлантиришлар: Кулусевски (77), Дэвис (81), Парти (83).