АПЛнинг 15-туридан ўрин олган “Тоттенҳэм” – “Челси” учрашуви 8 декабрь, якшанба куни ўтказилди.
Учрашувнинг биринчи бўлимидан сўнг “аристократлар” 2:1 ҳисобида мағлуб бўлаётган эди. Иккинчи бўлимга келиб эса “Челси” учта гол уриб, ҳисобни ўзгартира билди.
Учрашувдан сўнг “Челси” бош мураббийи Энсо Мареска ўз фикрлари билан ўртоқлашди.
“Ўтган ҳафта мен мухлисларни хурсанд қилиш учун ишлаётганимизни айтдим ва бугун улар мамнун бўлишлари мумкин. Кукурелянинг хатолари? Ўйинчилар қандай буца кийишни билиш учун етарли ёшда. У баҳсдан кейин менга ҳиссиётларини ўйинга қўшишга ҳаракат қилганини айтди.
Асосийси — 0:2 ҳисобида мағлуб бўлаётганда, тўп билан ва тўпсиз ҳам режа асосида ҳаракат қилишда, имкониятлар яратишда давом этдик. Иккинчи бўлимда тактикамизни ўзгартирдик. Ўйлашимча, ғалаба қозонишга ҳақли эдик”, – дейди мурабби.
Мареска танаффусдаги алмаштиришлар хусусида шундай деди:
”Биринчи навбатда, бизда Ромео Лавиа билан муаммолар бор. Унинг ўрнига Мало Gusto тушди ва биз Мойсес Кайседонинг позициясини ўзгартирдик”.
Италиялик мутахассиснинг айтишича, Лавиа сон мушакларида муаммоларга дуч келган, аммо у ҳозир яхши.
”Декабрда таваккал қилмоқчи эмасмиз. Баъзида футболчини 5-6 ўйинга йўқотгандан кўра, танаффусда ўзгариш қилган маъқул.
Палмер? Мен Коулни анчадан бери биламан ва унга ишониб келганман. У — фантастик йигит. У бирга-бир ўйнашни ўрганмоқда, Биссума бутун ўйин давомида у билан бирга эди. Палмер ўрганади, яхшиланади ва гол уради. Бу уни ва бизни хурсанд қилади. Ғоя ўйинчиларнинг бўшашишига йўл қўймасликдир. Улар ортларида бошқа футболчи кутаётганини билишади”, — дейди Энсо Мареска.
Изоҳ (0)