АПЛ. “Манчестер Сити” Эрлинг Ҳоланднинг дубли эвазига “Тоттенҳэм”ни мағлуб этди

Футбол бўйича Англия Премьер Лигасининг қолдирилган 34-турида “Манчестер Сити” ва “Тоттенҳэм” 14 май, сешанба куни бўлиб ўтди.

Учрашувнинг биринчи бўлимида дарвозалар ишғол этилмади. Иккинчи бўлимда эса “шаҳарликлар” босимни кучайтирди ва ҳисобни очди. 51-дақиқада Эрлинг Ҳоланд ўз номини таблога ёздириб қўйди.

90+1-дақиқада Манчестер клуби пенальти ишлади ва уни Ҳоланд аниқ амалга оширди. Шу тариқа ўйин 2:0 ҳисобида билан якунланди.

Пеп Гвардиола шогирдлари ушбу ғалабадан сўнг очколарини 88 тага етказиб, мусобақа жадвалида 1-ўринга кўтарилиб олди. 

АПЛ

34-тур баҳси

14 май, сешанба

“Тоттенҳэм” — “Манчестер Сити” 0:2

Голлар: 0:1 – 51 Ҳоланд, 0:2 — 90+1 Ҳоланд (пенальти).

“Тоттенҳэм”: Викарио, Порро, Ромеро, Дрегушин, ван де Вен, Ҳёйберг, Мэддисон, Бентанкур (Кулусевски, 55), Сарр, Сон Ҳён Мин, Жонсон.

“Манчестер Сити”: Эдерсон (Ортега, 69), Уокер, Рубен Диаш, Аканжи, Гвардиол, Ковачич, де Брюйне (Доку, 69), Бернарду Сильва, Родри, Фоден, Ҳоланд.

Огоҳлантиришлар: Бентанкур (36), Сарр (57), Ромеро (63), Ковачич (70).