Англия футбол ассоциацияси (FА) “Тоттенҳэм”нинг уругвайлик ярим ҳимоячиси Родриго Бентанкурни жамоадоши Сон Ҳён Мин ҳақида ирқчиликка оид ҳазил қилгани учун 7 та ўйинга дисквалификация қилди. Бу ҳақда ташкилот сайтида хабар берилди.
Июль ойида ижтимоий тармоқларда Бентанкур иштирокидаги видео тарқалганди, унда телебошловчи футболчидан жамоадошининг футболкасини сўраган.
“Сонни? Бу Соннининг амакиваччасининг футболкаси ҳам бўлиши мумкин. Уларнинг барчаси бир хил кўринади, дея жавоб берган эди Бентанкур.
Шундан сўнг футболчи ижтимоий тармоқ орқали Сондан узр сўради.
Англия футбол ассоциацияси (ФА) Бентанкурни “нотўғри хатти-ҳаракатлар” ва “этник ёки ирқий ҳақоратомуз сўзларни ишлатганлик”да айблади ва 7 ўйинга четлатди.
Изоҳ (0)