АПЛ. “Ньюкасл” ўз майдонида “Тоттенҳэм”ни қабул қилиб, рақиб дарвозасига жавобсиз тўртта гол урди (видео)

Футбол бўйича Англия Преймер Лигасининг 33-туридан ўрин олган “Ньюкасл Юнайтед” ва “Тоттенҳэм” жамоалари ўртасидаги учрашув 13 апрель санасида бўлиб ўтди.

Ўйинни Тим Робинсон бошчилигидаги ҳакамлар бригадаси бошқариб борди. Унда мезбонлар 4:0 ҳисобида зафар қучди.

Биринчи гол 30-дақиқада “Ньюкасл” ҳужумчиси Александр Исак томонидан киритилди. Орадан икки дақиқа ўтиб Гордон мезбонларнинг устунлигини оширди. 51-дақиқада Исак дубль қайд этиб, ҳисобни йирик кўринишга келтирди. Футболчининг гол уришига Бруно Гимарайш ёрдам берди. “Ньюкасл” ҳимоячиси Фабиан Шер ҳисобни 4:0га етказди ва бу ҳисоб ўйин сўнггигача сақланиб қолди.

“Ньюкасл” Англия чемпионати турнир жадвалида 32 учрашувда 50 очко жамғарган ҳолда олтинчи ўринда бормоқда. “Тоттенҳэм” шунча учрашувлардан сўнг 60 очко билан бешинчи ўринни эгаллаб турибди.

АПЛ

33-тур баҳси

13 апрель, шанба

“Ньюкасл” – “Тоттенҳэм” 4:0

Голлар: 1:0 — Исак (30), 2:0 — Гордон (32), 3:0 —Исак (51), 4:0 — Шер (87). 

“Ньюкасл”: Дубравка, Шер (Дамметт, 90+3), Крафт, Берн, Андерсон (Ричи, 90+2), Бруно Гимараэс (Уайт, 90+2), Лонгстафф, Мерфи (Ливраменто, 77), Барнс (Ҳолл, 89), Гордон, Исак.

“Тоттенҳэм”: Викарио, Порро (Эмерсон, 49), Ромеро, ван де Вен, Удожи, Мэддисон (Ло Чельсо, 81), Бентанкур (Сарр, 57), Биссума (Ҳёйберг, 57), Сон (Кулусевски, 58), Жонсон, Вернер.

Огоҳлантиришлар: ван де Вен (27), Биссума (47), Ромеро (56), Мэддисон (61).