“Манчестер Сити” молиявий фейр-плей қоидаларини бузганлик бўйича 130 та ҳолатда айбланмоқда. Бу ҳақда Тҳе Times нашри хабар бермоқда.
Аввалроқ клубга 115 та қоидабузарлик бўйича айблов қўйилгани маълум қилинганди.
Шунингдек, қарорлар январь ойида эълон қилиниши мумкинлиги, аммо апелляция туфайли якуний ҳукм кейинги мавсумга қолдирилиши мумкинлиги қайд этилган. Шикоятни кўриб чиқиш учун олти ойдан саккиз ойгача вақт кетиши мумкин. Аввал хабар қилинганидек, агар клубнинг қуйи лигага тушириб юбориш бўйича қарор қабул қилинса, ушбу қарор ижроси аппеляция кўриб чиқилгунга қадар тўхтатиб турилиши мумкин.
Эслатиб ўтамиз, “Ман Сити” тўққиз йил давомида — 2009 йилдан 2018 йилгача молиявий фейр-плей қоидаларини бузганликда айбланмоқда.
Жорий мавсумда “Манчестер Сити” Англия чемпионатининг 15 туридан 27 очко жамғариб, тўртинчи ўринда бормоқда.
Изоҳ (0)