“Манчестер Сити” ҳужумчиси Эрлинг Ҳоланд Англия Премьер Лигасининг 11-туридан ўрин олган “Брайтон”га қарши баҳсда ўз ҳисобига гол ёздириб қўйди.
Норвегиялик ҳужумчининг 23-дақиқада киритган голи у учун тарихий голга айланди.
Ҳоланд АПЛдаги голлари сонини 75 тага етказиб олди. Бунинг учун Эрлингга 77 та ўйин кифоя қилди ва бу натижа рекорд ҳисобланади (энг тез 75 та гол урган футболчига айланди). Жорий мавсумда форвард чемпионатнинг 11 та ўйинида 12 та голга муаллифлик қилди.
Қайд этиб ўтиш керак, “шаҳарликлар” “Брайтон”га қарши баҳсда 1:0 ҳисобида олдинда борган бўлса-да, иккинчи бўлимда рақиблар 2 марта дарвозани ишғол этиб, ғалабани илиб кетди. Хосеп Гвардиола жамоаси эса кетма-кет 4-ўйинида мағлубиятга учради.
Изоҳ (0)