“Манчестер Сити”нинг 33 ёшли ярим ҳимоячиси белгиялик Кевин Де Брюйне инглиз клубини тарк этишга қарор қилди, деб хабар беради El Gol Digital сайти.
Бельгиялик супер юлдузнинг шартнома муддати тугади ва жамоани ўзгартириши мумкин. Манбага кўра, Де Брюйне Саудия клубларида катта қизиқиш уйғотмоқда, бироқ белгиялик футболчининг ўзи Европада қолишни истамоқда. “Барселона” бундан унумли фойдаланишга тайёр ва унга 2025 йилнинг ёзида шартнома таклиф қилади. Де Брюйненинг ўзи ҳам Ҳанс-Дитер Флик бошчилигида ишлашдан манфаатдор.
Де Брюйне жорий мавсумда 11 та ўйинда майдонга тушиб, битта гол урди ва голли узатмани амалга оширди. Transfermarkt порталида берилган маълумотларга кўра, футболчининг бозор қиймати 45 миллион еврони ташкил қилади.
Маълумот учун. футболчи Squawka статистик портали томонидан тузилган 2024—2025 йилги мавсум якунларига кўра Англия Премьер Лигасининг энг яхши футболчиси бўлиш учун 10 нафар номзодлар рўйхатидан жой олган.
Изоҳ (0)