АПЛ. “Манчестер Сити” ўзида “Вулверҳэмптон”ни тор-мор этди, Эрлинг Ҳоланддан покер

Футбол бўйича Англия Премьер Лигасининг 36-турида “Манчестер Сити” 4 май, шанба куни “Вулверҳэмптон”га қарши баҳс олиб борди.

Учрашув “шаҳарликлар”нинг 5:1 ҳисобидаги ғалабаси билан якунланди. Манчестер клуби таркибида Эрлинг Ҳоланд 4 та гол муаллифига айланди. Яна бир гол эса Хулиан Алварес ҳисобига ёзилди. “Вулверҳэмптон” сафида Ҳван битта голни ўз ҳисобига ёздириб қўйди.

Пеп Гвардиола ушбу ғалабадан сўнг очколари сонини 82 тага етказди ва 2-ўринда бормоқда. Лондоннинг “Арсенал” жамоасида эса 83 та очко мавжуд. Шу ўринда таъкидлаб ўтиш жоиз, “Манчестер Сити” захирасида битта ўйин ҳам бор. Ушбу ўйиндаги ғалаба “шаҳарликлар”ни турнир жадвалида биринчи ўринга кўтарилишига сабаб бўлиши мумкин.

АПЛ

36-тур баҳси

4 май, шанба

“Манчестер Сити” – “Вулверҳэмптон” 5:1

Голлар: 1:0 – 12 Ҳоланд (пенальти), 2:0 – 35 Ҳоланд, 3:0 – 45+3, Ҳоланд (пенальти), 3:1 – 53 Ҳван Ҳи Чхан, 4:1 – 54 Ҳоланд, 5:1 – 85 Алварес.

“Манчестер Сити”: Эдерсон, Уокер, Аке (Стоунз, 69), Аканжи, Гвардиол, Ковачич, де Брюйне (Матеуш Нунеш, 79), Бернарду Сильва (Доку, 80), Родри, Фоден (Грилиш, 80), Ҳоланд (Алварес, 82).

“Вулверҳэмптон”: Жозе Са, Аит-Нури, Семеду, Килмен, Гомеш, Буэно (Буэно, 71), Лемина (Беллгард, 46), Траоре, Гомес, Ҳван Ҳи Чхан (Чирева, 87), Матеус Куня (Сарабия, 76).

Огоҳлантиришлар: Лемина (41), Семеду (45+2), Траоре (64), Гомес (66).