Jinoyat ishlari bo‘yicha Bektemir tuman sudi tomonidan ichkilik oqibatida sherigini o‘ldirgan erkakka sud hukmi o‘qildi.
Ma’lum bo‘lishicha, joriy yilning 12-iyun kuni Bektemir tumanida joylashgan Food City bozorida yuk tashuvchi bo‘lib ishlagan Niyozbek sherigi B.ning taklifiga binoan ish vaqtida birgalikda spirtli ichimlik ichgan. Ishni tugatgach B. birga o‘tirish taklifini bildirib, ketib qolmasa uyiga borib qaytishda yo‘l-yo‘lakay o‘zi bilan pivo olib kelishini aytgan. Shunga asosan bozor hududida ko‘rishishga kelishgan.
Kelishuvga asosan B. pivoni olib kelgach ichib o‘tirishganida o‘rtalarida ziddiyat yuzaga kelib, o‘zaro janjallashishgan. Shunda Niyozbek sherigining haqoratli so‘zlaridan qattiq g‘azablanib, B.ni chiroq tushmaydigan joyga ortidan yetaklab, rastalardan olgan oshxona pichog‘i bilan bo‘yin chap tomon sohasiga kuchli zarba berib, og‘ir tan jarohati yetkazgan. Yetkazilgan tan jarohati natijasida B. hodisa joyida vafot etgan.
Sud hukmi bilan ayblanuvchi Jinoyat kodeksining 97-moddasi 2-qismining “v” bandida nazarda tutilgan jinoyatni sodir etganlikda aybli deb topilib, unga nisbatan 15 yil ozodlikdan mahrum qilish jazosi tayinlandi.
Toshkent viloyatining Yangiyo‘l tumanida bir oilaning 5 nafar a’zosini o‘ldirib, uyini yoqib yuborgan erkak umrbodga qamalgani, Qashqadaryoda xotinini kelinlari, o‘g‘li va nabiralarining yonida yoqib yuborgan erkakka esa 19 yil muddatga ozodlikdan mahrum qilish jazosi tayinlangani xabar qilingandi.
Izoh (0)