Қиш фаслида севиб истеъмол қилинадиган мевалардан бири — мандаринларнинг дўкон расталарида хилма-хиллиги харидорни шошириб қўяди. Улар орасида энг ширин навдаги мевани қандай танлаш мумкин? Баъзилар мандариннинг ёрқин рангига қараб танласа, бошқалар унинг ҳажмига қараб нордонлик даражасини аниқлайди. Бироқ ширин мевани танлашда бошқа лайфхаклар ҳам мавжуд.
Ширин мандаринларни танлаш учун, биринчи навбатда, унинг навига эътибор бериш керак. Уларнинг таъми улар етиштирилган жойга ва қайси вақтда териб олинганига боғлиқ. Мандаринларнинг энг ширин навлари:
Клементин (Жазоир мандарини)
АҚШдаги энг машҳур мандарин нави, улар “Рождество апелсинлари” деб номланади. Аслида клементин мандарин ва қирол апелсини гибридидир. Унинг пўстлоғи тўқ оловранг, қобиғи осон тозаланади, жуда катта, сувли, ёқимли таъмли, уруғи деярли бўлмайди.
Муркотт
Мандарин ва танжерин гибриди, шунингдек, асал деб ҳам аталади. Мева ширин, лекин унчалик сувли эмас ва бундай меваларда жуда кўп майда уруғлар бўлади.
Уншиу (Хитой мандарини)
Янги йил мавсумида Хитойда энг машҳур нав. Сувли ва ўрта ўлчамдаги мевалар, ширин ва нордон таъмга эга.
Шунингдек, мандарин танлашда қуйидаги жиҳатларга эътибор бериш лозим:
Оғирлиги
Қўлларингизга турли навдаги мандаринни олинг ва уларнинг оғирлигини таққосланг. Кўринишидан оғирроқ кўринадиган мева ширали ва мазали бўлади. Меванинг сувли эканлиги унинг таъми янада ширин эканлигини англатади.
Пўстининг ранги
Мандарин пўсти ёрқин, тиниқ ва тўқ оловранг бўлиши керак. Бу унинг шакари кўплиги ва яхши пишганини англатади. Агар мандарин пўсти оч тусли, яшилсимон ва ёрқин эмас бўлса, меванинг таъми нордон бўлади.
Ҳиди
Пишган мандаринлар ўзига ифорга эга, уларнинг иси ҳатто узоқдан ҳам сезилади. Агар мандариндан ҳид келмаса ёки ҳиди ёқимсиз бўлса, бундай меваларни харид қилиш тавсия этилмайди.
Изоҳ (0)