Уй тозалашда, тирноқлар саломатлиги учун: мандарин пўстлоғидан қандай мақсадларда фойдаланиш мумкин?

Мандарин мавсуми қизғин паллада, кўп хонадонларда ушбу цитрус мевалар килолаб истеъмол қилинади ва унинг пўстлоғи эса ахлатга ташланади. Бироқ мандариннинг пўстидан ҳам самарали фойдаланиш мумкин. Delfi нашри мандарин пўстлоғидан қандай ишларда фойдаланиш мумкинлиги ҳақида маълумот берди.

Каминни ёқиш учун. Барча цитрус меваларнинг қобиғи, айниқса, мандариннинг пўстлоғини қуритиб, олов ёқишда ишлатиш мумкин. Мандариннинг пўстлоғини қуритинг ва уни камин ёки печкага солиб олов ёқишда фойдаланинг. Ёзги иссиқ об-ҳаво пайтида ҳам, бу қуритилган қобиқлар олов ёқишда ажралмас ёрдамчи ҳисобланади.

Уйни тозалаш учун. Мандарин пўстлоғи дам олиш вақтида уйни тозалашга ёрдам беради — уни уйдаги барча ёғли юзаларга (шу жумладан идишларга) суртинг, кейин илиқ сув билан ювинг.

Нохуш ҳидларнинг олдини олиш учун. Мандарин пўстлоғи музлатгичдаги барча ҳидларни кетказади. Уни жавонларга суртинг ва юзаларни илиқ сув билан ювинг. Битта мандариннинг пўстлоғини музлатгичда қолдиринг ва уни бир неча кунда алмаштиринг. Музлатгичингиз ажойиб ҳидга эга бўлади.

Гўзаллик учун. Мандарин пўстлоғини иложи борича майда тишли қирғичдан ўтказинг, шакар билан аралаштиринг ва ҳаво ўтказмайдиган идишда сақланг. Сауна ёки ҳаммомда фойдаланинг — бу тана скраби терингизнинг ёрқин кўринишига хизмат қилади.

Мушуклар билан курашиш учун. Мандарин пўстлоғи мушукларни белгиланган ҳудудга киритмаслик учун яхши. Агар сиз шунга ўхшаш муаммога дуч келсангиз, у бормаслиги керак бўлган жойларда янги мандарин пўстлоғини қолдиринг, шундан кейин мушуклар у ерга яқинлаша олмайди.

Овқат пишириш учун. Мармелад ва мандарин пўстлоғи мураббосидан ташқари, уни гўштни қовуриш пайтида ҳам ишлатиш мумкин. Мандарин пўстлоғи гўштга ғайриоддий ва ўзига хос таъм беради. Мандарин пўстлоғини чойга қўшиш мумкин, у ичимликни янада лаззатли қилади.

Тирноқлар саломатлиги учун. Ҳар сафар мандарин еганингизда тирноқларни унинг пўстлоғи билан артиб ташлаш мумкин. Ушбу цитрус меванинг пўстлоғи тирноқларни яхши оқартиради ва мустаҳкамлайди.

Мавзуга доир:

• Аллергия, жигар ва буйрак касалликлари: Қандай ҳолатларда мандарин истеъмол қилмаслик керак?
• Тетиклик ва яхши кайфият учун: мандарин, ананас, банан ва фойданинг кони бўлган бошқа қишки маҳсулотлар.
• Мандарин танлаш бўйича лайфхак: қайси бири ширин ёки нордон, қандай сақлаш керак?
• Мандарин истеъмол қилганда организмда қандай ўзгариш юз беради?