Бугун, 2 май, пайшанба куни “Дарё” мухбири Афғонистон шимолидаги Балх вилоятининг Мозори Шариф шаҳридаги энг йирик бозорлардан бирида бўлиб, қишлоқ хўжалиги маҳсулотларининг нархлари ҳақида маълумот тўплади.
Бозордаги баъзи сотувчилар “Дарё” мухбири билан суҳбатда савдодан кўнгиллари тўқ эканини маълум қилган бўлса, яна баъзи сотувчилар иш йўқлиги туфайли вақтинчалик бу иш билан шуғулланаётганини айтиб ўтди.
Бир неча йиллардан бери банан сотиб келаётган Моҳибулланинг фикрича, мева савдоси унчалик яхши эмас, гарчи меванинг нархи қўшни давлатларга нисбатан бир неча баробар арзон бўлса ҳам. Аҳоли қашшоқликдан азият чекаётгани учун мевани кўп харид қила олмайди.
Унинг сўзларига кўра, бу бизнес катта даромад келтирмайди. Моҳибулла фақатгина уй-рўзғор харажатларини қоплаб туриш учунгина бу ишни давом эттирмоқда.
Яна бир сотувчи Муҳаммад Ёқуб асли Афғонистоннинг Фарёб вилоятидан бўлиб, Мозори Шариф шаҳрида пиёз ва картошка сотади.
“Дарё” мухбири ундан пиёз савдоси, нархи ва бозори ҳақида сўраганда, Муҳаммад Ёқуб бу йил пиёз жуда арзон бўлиб кетганини, бунга сабаб қўшни давлатларга, хусусан, Покистонга экспорт қилинмаётгани, деб айтган.
Унинг айтишича, бозордаги вазиятга қараб, баъзида Афғонистондан Ўзбекистонга пиёз жўнатилган, айрим ҳолларда эса Ўзбекистондан Афғонистонга олиб келинган.
“Ўзбекистондан бир машина пиёз олиб келдик, бу пиёзни оладиган харидор йўқ, бир кило ўзбек пиёзи Мозори Шарифда 5 афғони, яъни 0,069 долларга сотилмоқда, бу фермерларнинг келгуси йилда пиёз экмаслигига сабаб бўлади”, дейди у.
Муҳаммад Ёқубнинг сўзларига кўра, ўтган йили бир килограмм пиёз бир доллардан сотилган.
“Дарё” мухбири Мозори Шариф шаҳрида турли маҳсулотларнинг бугунги кундаги нархи ҳақида маълумот берди.
Мева ва полиз маҳсулотлари
- 1 кг апелсин — 1 доллар;
- 1 кг мандарин — 1,66 доллар;
- 1 кг киви — 2,22 доллар;
- 1 кг ананас — 5,55 доллар;
- 1 кг лимон — 1,39 доллар;
- 1 кг банан — 2 доллар;
- 1 кг олма — 1,39 доллар;
- 1 кг довучча — 1,94 доллар;
- 1 кг лимон қулупнай — 1,95 доллар;
- 1 кг тарвуз — 0,50 доллар;
- 1 кг шафтоли — 1,94 доллар;
- 1 кг Ўзбекистон гилоси — 5 доллар.
Сабзавотлар ва кўкатлар
- 1 кг булғор қалампири — 1 доллар;
- 1 кг помидор — 0,55 доллар;
- 1 кг бақлажон — 0,69 доллар;
- 1 кг исмалоқ — 0,40 доллар;
- 1 кг бодринг — 0,30 доллар;
- 1 кг қовоқча — 0,40 доллар;
- 1 кг сабзи — 0,40 доллар;
- 1 кг карам — 0,70 доллар;
- 1 кг картошка — 0,30 доллар;
- 1 кг афғон пиёзи — 0,14 доллар;
- 1 кг Ўзбекистон пиёзи — 0,069 доллар.
Дуккакли ўсимликлар
- 1 кг Ўзбекистон нўхати — 1,53 доллар;
- 1 кг мош — 1 доллар;
- 1 кг оқ ловия — 1,8 доллар;
- 1 кг қизил ловия — 1,66 доллар;
- 1 кг Ҳиндистон гуручи —1,40 доллар;
- 1 кг афғон гуручи — 1 доллар;
- 1 кг қизил майиз — 2 доллар.
Гўшт
- 1 кг мол гўшти — 5,27 доллар;
- 1 кг қўй гўшти — 5,55 доллар;
- 1 кг товуқ гўшти — 2,77 доллар.
Бошқа маҳсулотлар
- 1 кг афғон макарони — 0,76 доллар;
- 1 кг Қозоғистон макарони — 0,90 доллар;
- 1 кг Эрон томати — 1,40 доллар;
- 1 кг афғон томати — 1,11 доллар;
- 1 кг ун — 0,35 доллар;
- 1 кг шакар — 0,90 доллар.
Шуни таъкидлаш керакки, ушбу маҳсулотларнинг нархи доимо ўзгариб туради.
Маълумот учун, 1 АҚШ доллари айни пайтда 72,5 афғонийни ташкил қилади.
Изоҳ (0)