Мандаринлар Янги йилнинг асосий маҳсулотларидан биридир. Аммо кўпинча улар жуда нордон чиқади ва камроқ истеъмол қилинади. Кўпгина уй бекалари бундай мандаринлардан мураббо тайёрлайди. Бироқ нордон мандаринларнинг мазасини яхшилаш учун иккита оддий усул мавжуд. Бунинг учун микротўлқинли печ ёки оддий сув керак бўлади, деб ёзади «Профил».
Микротўлқинли печ
Пишмаган мандаринлар кўпинча нордон бўлади. Уларни ширин қилиш учун микротўлқинли печда атиги 30 сония давомида қолдириш керак. Энг юқори ҳароратда мевалар пишиб, янада мазали бўлади. Шуни эсда тутиш керакки, кейин уларни истеъмол қилишдан олдин совитиш керак. Мандаринларни музлаткичга қўйиш мумкин. Бундан ташқари, микротўлқинли печда пишган меваларни узоқ вақт сақлаб бўлмайди. Бундай оддий лайфхак нафақат мандарин, балки узум ва апельсинлар учун ҳам қўл келиши мумкин.
Сув
Тозаланмаган цитрус меваларни чуқур идишга солиб, сув билан тўлдириш керак. Сув ўта иссиқ бўлмаслиги, совуқ ёки хона ҳароратида бўлиши лозим. Энг мақбул кўрсаткич — 40 даража. 10 дақиқа ўтгандан кейин мандаринларни татиб кўриш мумкин.
Агар мева ширин бўлса, уларни сувдан олиш керак. Агар таъм маъқул келмаса, унда мандаринларни бир неча дақиқага музли сув билан тўлдирилган идишга солиш керак. Ҳарорат нордон меваларни янада ширинроқ қилиши мумкин.
Байрамона дастурхонда нордон мандаринлар бўлишининг олдини олиш учун уларни дўкондан тўғри харид қилиш керак. Мутахассисларнинг таъкидлашича, меванинг оғирлиги, ташқи кўриниши ва хушбўйлигига эътибор қаратиш тавсия этилади.
Изоҳ (0)